YOHANES 3:10 - Sura' Madatu

¹⁰ Mebalimi Yesu lako Nakua: Kamu para’ tu gurunna to Israel, natae’ miissanni te iannate?

YOHANES 3:10 Referans Kwoze

MATIUS 22:29

Mebalimi Yesu sia Nakua lako tau iato: Pusakomi, belanna tae’ mitandai la lanna Sura’ madatu la kuasanNa Puang Matua.

YEHEZKIEL 11:19

La Kuben misa’ penaa kalebu sia inaa ba’ru lan ba’tengna, na iatu penaa batu la Kualai dio mai kalena, angKu benni penaa duku’;

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

MATIUS 11:25

Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

YESAYA 9:16

Iamoto anna tang umposendei PUANG tu mai to manguranna, sia tae’ anNa katuru-turui tu mai pia biungna sia mintu’ baine balunna, belanna to untananni nasang boko’ Puang sia to bulituk sia kapanglangdoan sun dio pudukna. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

PA’PUDIAN 73:1

Pa’pudianna Asaf. Manassa tongan masokan tu Puang Matua lako to Israel, iamotu lako to bannang pute penaanna.

PA’PUDIAN 51:10

Parangii polena’ kasendean sia kaparannuan, anna sila’tekan tu mintu’ buku lampa mangka Minisak-nisak.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

PA’TOLE 30:6

Sia PUANG, Kapenombammu, la ussunna’i tu penaammu sia penaanna bati’mu, muurunganni ponno penaammu sia kalebu deatammu ungkamasei PUANG, Kapenombammu, ammu marendeng-rendeng.

PA’TOLE 10:16

Iamoto sunna’i tu kuli’ penaammi sia damo mimatoro.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

ROMA 2:28

Belanna iatu to Yahudi tongan, tangia salianna manna Yahudi, sia iatu sunna’ tae’ na ia manna tu salianna dio kale;

KOLOSE 2:11

Tete dio duka anna dipogau’ lako kalemi tu sunna’ tang naola lima, diona kauntampeanna pa’kalean kasalan, iamotu sunna’Na Kristus.

LUKAS 2:46

Iatonna ma’tallung allomo, pakalan nakabu’tuI lan banuanNa Puang Matua unno’ko’ lan tangnga-tangngana mintu’ pandita, marassan umperangii kadanna sia mekutana-tana lako.

LUKAS 5:17

Dikua den sangallo mukkunmo mangada’i, naden ba’tu pira to Farisi unno’ko’ dio sia pandita Sukaran aluk, tu pantan sae dio mai mintu’ tondok Galilea sia Yudea, sia dio mai Yerusalem, sia kamatotoranNa Puang Matua dio ren, anNa matoto’ Yesu umpamalekei tu tau.

YOHANES 3:9

Mebalimi Nikodemus nakua lako: Umba nakua la dadi tu ianna te?

PENGGAURANNA RASULU’ 5:34

Apa ke’de’ misa’ to Farisi disanga Gamaliel lan tu kombongan, iamo misa’ pandita Sukaran aluk nakasiri’ mintu’ tau; napesuammi umbaai sattu’ lako salian tinde tau.