YOHANES 21:7 - Sura' Madatu

⁷ Nakuami tu anak guru Napakaboro’ Yesu lako Petrus: Iamo Puang tu. Iatonna rangii Simon Petrus kumua Iamo Puang to, napotambeke’mi tu sambu’na, belanna tae’ namessambu’, namekkondong rokko tasik.

YOHANES 21:7 Referans Kwoze

YOHANES 13:23

Denmi misa’ tu anak gurunNa iamo Napakaboro’na, sissare lako barangkangNa.

YOHANES 20:2

Ma’dondo-dondomi sae lako Simon Petrus sia lako tu anak gurunNa senga’, tu Napakaboro’na Yesu, anna kua lako: Naalaimo tau lan mai liang tu Puang, na tae’ kiissanni ba’tumba napannii.

YOHANES 19:26

Iatonna tiroi Yesu tu indo’Na sia iatu anak guru Napakaboro’na, ke’de’ nasikandappiran, Nakuami lako indo’Na: E baine, tiroi tu anakmi!

2 KORINTUS 5:14

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.

YOHANES 21:24

Iamotu anak guru iato tu ungkatottongi te mintu’nate, sia mangka untonoranni te mintu’nate; sia taissan kumua iatu nakatottonginna tonganna tongan.

YOHANES 21:20

Messailemi tu Petrus: Nakitai tu anak guru Napakaboro’ Yesu undi urrundu’I, iamotu sissare lako barangkangNa Yesu tonna kumande bongi sia ma’kada kumua: O Puang, mindara tu la umpa’peturoangKomi?

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

LUKAS 7:47

Iamoto Kukua mati’: Mintu’na sala-budanna dipa’dei nasangmo, belanna umpa’pekitanan buda kamamasean, apa minda-minda sidi’ri kadipa’deianna kasalanna, sidi’ dukari kamamasean napa’pekitanan.

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

MARKUS 11:3

Iake denni tau ungkuangkomi kumua: Ma’apari mipasusiri to?, la mikua; den la Napapatuanni Puang, madomi’ bangsia la Napasule.

PA’TENDENG BALLO 8:7

Moi anna iatu uai buda tae’ nakullei umpa’dei tu kamamaliran sia mintu’ salu tae’ nakullei untu’ba’i male. Moi namintu’ iananna tau nabutungananni, kumua nalolongan pa’kaboro’, manassa la ditumpu sia kasirisan.

PA’PUDIAN 118:23

Iatu iannato, PUANG umpogau’i, sia memangngan untiroi.

YAKOBUS 2:1

E sangsiulurangku, tu ma’patongan lako Puang Mala’bi’ta Yesu Kristus, da mipalaloi tu kapatonganammi umpelindo tau.

1 KORINTUS 15:47

Iatu bunga’na tau, lu dio mai lino, iamo a’gan litak, na iatu tolino ma’penduan lu dao mai suruga.

YOHANES 20:28

Mebalimi Tomas sia nakua lako: O Puangku sia Kapenombangku.

YOHANES 20:20

Tonna mangka ma’kada susito, Napa’pekitanammi lako tinde tau tu limanNa sia la’pekNa. Parannumi tu anak gurunNa tonna tiroi tu Puang.

LUKAS 12:35

Ma’tambeke’komi, sia popa’lulu-lului tu palitammi.

YOHANES 21:8

Apa iatu anak gurunNa senga’ ma’lopi sae, belanna tae’ nasangapa mambelanna dio mai gantanan, agi-agiri limangpulo da’pana, nariu’i tu dalla’ ponno bale lan.