YOHANES 21:12 - Sura' Madatu

¹² Nakuami Yesu lako tinde tau: Maimokomi kumande. Apa tae’ bangi misa’i tu anak gurunNa barani mekutana lako kumua: Mindarokomi te? Belanna inang naissanmo kumua: Iamo Puang.

YOHANES 21:12 Referans Kwoze

PENGGAURANNA RASULU’ 10:41

tae’ kumua lako mintu’ to Yahudi, sangadinna lako to ungkatottongi tu inang Napilei dolomo Puang Matua, iamotu kaminna mangkanna ussisolanNi kumande sia mangiru’ tonNa malimbangunmo dio mai to’ to mate;

YOHANES 16:19

Naissanmi Yesu kumua la morai mekutana lako, Nakuami, ungkuanni: Misitimbang-timbangi misaraka tu iannato, tu Kukua: Sattu’mora anna tae’mo mikitaNa’, sia tae’ dukamora nasangapa mikitaMo’?

YOHANES 21:15

Iatonna mangkamo kumande, Nakuami Yesu lako Simon Petrus: E Simon, anakna Yohanes, mupakaboro’ tonganRa’ka na iate tau iate mai? Nakuami Petrus lako: O Puang, inang Miissan bangmo, kumua aku te kukamali’Komi. Nakuami Yesu lako: Kaduttu’i tu mintu’ anak dombaKu.

MARKUS 9:32

Apa tae’ naissanni tinde tau tu kada iato, sia mataku’ duka umpeku- tananNi.

YOHANES 4:27

Tonna iato saemi anak gurunNa; mangngami, belanna sipa’ulelean baine tu Yesu. Apa tae’ bangi misa’ mekutana kumua: La ma’aparoKomi? ba’tu Apara tu Mipokada lako?

LUKAS 9:45

Apa tae’ naissanni te kada iate, sia napusa’i, iamo pole’ natae’ natandai, sia mataku’ umpekutananni lako tu kada iato.

MATIUS 22:46

Tae’ bangmi tau misa’ umpebalii moi sangbuku duka kada, anna randuk duka tonna allo iato natae’ bangmo tau misa’ barani mekutana len lako.

YOHANES 21:11

Kendekmi langngan lopi tu Simon Petrus, nariu’i tu dalla’ langngan karangkeanna, ponno bale sikapua, saratu’ limangpulo ntallu budanna. Na moi pada budanna to, tae’ duka naserek tu dalla’.