YOHANES 20:1 - Sura' Madatu

¹ Iatonna allo bunga’na lan minggu iato tonna melambi’ tae’pa bongi, saemi tu Maria Magdalena lako to’ liang iato, natiroi mangkamo dilentenni tu batu dio mai baba liang.

YOHANES 20:1 Referans Kwoze

MARKUS 16:9

Iatonna malimbangunmo tu Yesu tae’pa bongi tonna allo bunga’na lan minggu iato, bunga’na umpa’pekitanammi Kalena lako Maria Magdalena, tu mangkamo Nanii urrambai deata masussuk pitu lan mai kalena.

MATIUS 27:60

Napatamai liang ba’runna, liang mane mangka napa’; nalentenni tu batu kapua misa’ lako to’ babana tu liang, namane male.

MARKUS 15:46

Naallimi Yusuf tu kasa, napopeng-kalaoi tu batang rabukna Yesu, na balunni sampin kasa napeliangi tama liang; namane ullentenni batu lako tu baba liang.

YOHANES 20:26

Karua allona mangkanna to sirampunomi tu anak gurunNa Yesu lan banua lan dukamo sola tu Tomas. Iatonna tisalli’mo tu ba’ba banua, saemi tu Yesu bendan lan tangnga sia Nakua: Siriakomi kamarampasan!

YOHANES 19:25

Iatu indo’Na bendan sikandappi’ kayu pea’ta’na Yesu sola sangbainena, Maria bainena Klopas, na Maria Magdalena.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

MATIUS 27:64

Iamoto melo ke misuai tau ungkampai tu liangNa sae lako allo ma’pentallunna, da’ nasae anak gurunNa umbokoI, anna pokadai lako pa’tondokan kumua malimbangun dio mai to’ to mate; satama-tamannami tu dipopusanna undinna na iatu dolona.

1 KORINTUS 16:2

Ianna lambi’omi allo minggu pantan la misapean dio banuammi umpopatu patummi minannanni, da kumanggi’opa la sae mati’, mimane la undurukanni.

PENGGAURANNA RASULU’ 20:7

Iatonna allo bunga’na lan minggu iato, tongki sirampun untepu-tepu roti, ma’uleleammi Paulus lako tu tau, apa nasanga la malemo ke masiangito, iamoto napatarru’i tu pa’uleleanna sae lako ma’tangnga bongi.

MATIUS 27:56

Ia siamo tu mai sia Maria Magdalena sia Maria indo’na Yakobus sola Yusuf, sia indo’na anakna Zebedeus.

MATIUS 27:66

Laomi nakampai tu liang, tonna mangka unca’i, natundui mintu’ pa’ronda’.

MATIUS 28:1

Tonna lendu’mo tu allo katorroan, mane tibaan masiang tonna allo bunga’na lan minggu iato, saemi Maria Magdalena sola Maria senga’ la untiroi tu liang.

MATIUS 28:2

Pakalan denmi lino’ kapua, belanna den malaeka’Na Puang mengkalao dao mai suruga, nasae ullentenni tu batu dio mai baba liang, anna unno’ko’ dao.

YOHANES 11:38

Tu’dang pole’omi ara’Na tu Yesu tonna sae lako to’ liang. Iatu liang iato lo’ko’, nabatu tu dipalaparanni.

YOHANES 11:41

Naberumi tau tu batu. Mentingarami tu Yesu anNa ma’kada Nakua. O Ambe’, ma’kurre sumanga’Na’ mati’, belanna MiperangiiNa’.