YOHANES 2:13 - Sura' Madatu

¹³ Mandappi’mo allo Pasa to Yahudi, Nake’de’ tu Yesu langngan Yerusalem.

YOHANES 2:13 Referans Kwoze

LUKAS 2:41

Dilambi’oi taun maleoi tu indo’ ambe’Na lako Yerusalem, ke allo Pasa.

YOHANES 11:55

Tonna iato mandappi’mo tu allo pa’gauran Pasana to Yahudi, sia buda tu to inde to dio mai umpadoloi male lako Yerusalem ke tae’pi nalambi’i tu pa’gauran Pasa, kumua nalao umpemaseroi kalena.

YOHANES 2:23

Tonna diomo Yerusalem, tonna allo kapua dinii Ma’pasa, budami tau umpatonganni tu sanganNa, belanna nakitamo tu tanda kalle-kallean Napogau’.

YOHANES 6:4

Tonna iato mandappi’mo tu pa’gauran Pasa, tu allo kapuanna to Yahudi.

YOHANES 5:1

Undinnato denmi allo kapuana to Yahudi; malemi tu Yesu langngan Yerusalem.

PA’TOLE 16:16

Pentallun lan sangtaun pantanni tu muane dio lu kamu, la mennolo dio oloNa PUANG, Kapenombammu lan tu inan, tu la Napilei Puang, iamotu ke pa’gauran roti tang diragii sia ke pa’gauran minggu sia ke pa’gauran pekalumban. Apa tae’ anna la mennolo lo’bang dio oloNa PUANG;

NEHEMIA 13:8

Lendu’ tongan mapa’dikna penaangku tu dionato, iamoto angku pembuanganni lako salian tu mintu’ pengkaranganna Tobia.

MATIUS 21:12

Malemi tu Yesu tama to’ Banua Kabusungan, Narambai tu mintu’ to ma’baluk sia to mangalli lan to’ Banua Kabusungan. Nabalittua’i tu mai medana to ussapi’ doi’ sia o’koranna to ma’baluk bu’ku’;

MARKUS 11:15

Rampomi lako Yerusalem. Iatonna malemo Yesu tama to’ Banua Kabusungan, Naparandukmi urrambai tu to ma’baluk sia to mangalli dio to’ Banua Kabusungan, Nabalittua’ tu mai medana to ussapi’ doi’, sia o’koranna to ma’baluk bu’ku’.

LUKAS 19:45

Pakalan iatonNa tamamo Yesu tama to’ Banua Kabusungan, Naparandukmi urrambai sun tu mintu’ to ma’baluk sia to mangalli lan.

YOHANES 13:1

Tae’ bangsia nalambi’i tu pa’gauran Pasa, tonna issanmi Yesu, kumua nalambi’mo attunNa la lumele lan mai te lino lako Ambe’, Napasundunmo sae lako ma’katampakanna tu kamamaseanNa lako mintu’ taunNa lan te lino, tu Nakamaseinna.