YOHANES 19:9 - Sura' Madatu

⁹ male pole’omi tama banua pangra’tasan kara-kara, sia nakua lako Yesu: To bu’tu umbaroKomi nii? Apa tae’ Napebalii Yesu lako.

YOHANES 19:9 Referans Kwoze

YOHANES 18:33

Iatonna malemo sule tu Pilatus tama banua pangra’tasan kara-kara, natambaimi tu Yesu anna mekutana lako nakua: Kamumoraka tu datu to Yahudi?

FILIPI 1:28

Da naden misa’ apa nanii umpaselangkomi to unneakomi, tu manassa lako kalena mendadi tanda kasanggangan, apa lako kamu tanda kamakarimmanan, tu lu dio mai Puang Matua.

YOHANES 8:14

Mebalimi Yesu sia nakua ungkuanni: Moi angKu katottongi Kaleku, tonganna duka tu Kukatottonginna, belanna Kuissan, umba tu Kunii sae sia umba tu Kunii male, apa iatu kamu tae’ miissanni umba tu Kunii sae sia umba tu Kunii male.

MATIUS 26:63

Apa ma’loko-loko bang tu Yesu. Nakuami tu Tominaa Kapua ungkuanNi: La kupopassumpaKomi ussa’bu’ Puang matontongan Mipokadangkanni ke Kamumo Kristus, tu AnakNa Puang Matua.

YESAYA 53:7

Dipakario-rio, apa napopa’elo’na bang sia tae’ nabungka’i tu pudukna; susi anak domba diramba la direre’, sia susi domba tang pandiu dio tingayona to unggontingi bulunna, tenmoto tae’ bang napatiku’bi’ pudukna.

TO PARENGNGE’ 13:6

Malemi tu baine iato umpokadanni muanena, nakua: Den misa’ taunNa Puang Matua sae lako kaleku, kutiro susito misa’ malaeka’Na Puang Matua, metakuran tongan. Tae’ kukutanai umbara nanii sae, sia tae’ duka napokadanna’ sanganna.

YOHANES 18:37

Nakuami Pilatus lako: Datu dukaroKomika pale’? Nakuami Yesu mebali: Tonganna susitu kadammi, kumua Aku te datuNa’. Iamo patunna to angKu dadimo, sia iamo patunna to angKu saemo tama te lino, kumua angKu katottongi tu kamanapparan. Minda-minda tu bu’tu lu dio mai kamanapparan iamo umperangii kadangKu.

MATIUS 27:27

Mangkato nabaami surodadunna to maraya tu Yesu tama pangra’tasan kara-kara, anna pasirampun nasangi tu mintu’ surodadu sangkaponan.

LUKAS 23:9

Ma’rupa-rupa tonganmi kada napekutanan datu, apa moi misa’ tae’ duka Napebalii Yesu.

YOHANES 18:28

Nabaami tau tu Yesu dio mai Kayafas lako banua pangra’tasan kara-kara, to melambi’ iato. Iatu to Yahudi tae’ nalao tama banua pangra’tasan kara-kara, kumua da nakasambanan, sangadinna la ma’din duka ungkande Pa’pasa.

YOHANES 18:34

Nakuami Yesu mebali: Tuo lu dioraka mai kalemi te kadammi te, ba’tu to senga’raka umpokadangkomi tu diona Aku?

YOHANES 19:8

Iatonna rangii Pilatus tu kada iato, samandu-mandunnami mataku’;

YOHANES 19:10

Nakuami Pilatus lako: ManokaroKomika ussipa’kadanna’? Tae’raka Miissanni kumua kuasana’ urrampanangKomi sia kuasa dukana’ unna’ta’Komi?