YOHANES 19:7 - Sura' Madatu

⁷ Nakuami tu to Yahudi mebali lako: Iatu kami den atoran sukaran alukki, na iake dituntunni tu atoran iato sipatu la dipatei belanna ussanga Kalena AnakNa Puang Matua.

YOHANES 19:7 Referans Kwoze

SURA’ KATOMINAAN 24:16

Minda-minda tu umpa’kada solangi SanganNa PUANG, manassa la mate dipongko; mintu’ kasirampunan la ussileba’i batu la to sae la to Israel tongan, ke napa’kada solangi tu Sanga, la mate dipongko.

YOHANES 5:18

Iamoto nasaundaka’-daka’na tanga’ tu to Yahudi la morai umpatei, tae’ kumua untengkai mannai atoranna allo katorroan, sangadinna tu belanna Nakua Ambe’ misanNa tu Puang Matua, umpapada Puang Matua Kalena.

ROMA 1:4

apa kea’gan Penaa ma’pamasallo’, dipamanassamo kumua AnakNa Puang Matua sikambi’ kakuasan, tu belanna kamalimbangunanNa dio mai to’ to mate, tu Yesu Kristus, Puangta.

MARKUS 15:39

Iatonna kitai tinde kamandang Nasitingoan tu kaka’tuanna penaanNa susito, nakuami: Tonganna tongan Anak Puang te tau iate!

PA’TOLE 18:20

Apa iake den misa’ nabi umpamadao penaanna la umpokada misa’ kada tete dio sangangKu, tu tang Kusua umpokadai, ba’tu ma’kada tete dio sanganna kapenomban senga’ – manassa nabi iato la mate.

YESAYA 53:4

Tonganna nasondokan tu mintu’ sakinta sia napassan tu pa’di’ta, apa tasanga kumua Napandasa sia Nabamba sia Napakario-rio Puang Matua.

YOHANES 19:8

Iatonna rangii Pilatus tu kada iato, samandu-mandunnami mataku’;

PENGGAURANNA RASULU’ 18:13

nakua: Ullono’ to buda te tau iate menomba langngan Puang Matua, tu sisalanna atoran Sukaran aluk.