YOHANES 19:4 - Sura' Madatu

⁴ Sun pole’omi tu Pilatus sia nakua lako tau iato mai: Tiromi, kubaamo sun lako kalemi, ammi issanni kumua moi misa’ tae’ kuappa’ tu salaNa.

YOHANES 19:4 Referans Kwoze

YOHANES 19:6

Iatonna kitami mintu’ pangulu to minaa sia mintu’ solana, rambanmi metamba nakua: A’ta’I Ia tu, a’ta’I Ia tu! Nakuami Pilatus ungkuanni tu tau: Alami kamu, mia’ta’I! Belanna tae’ aku kukabu’tui tu salaNa.

YOHANES 18:38

Nakuami Pilatus lako: Apara tu kamanapparan iato? Iatonna ma’kada susito, sunomi nalao lako to Yahudi, nakuami lako: Tae’ kukabu’tui tu salaNa.

LUKAS 23:4

Mangkato nakuami Pilatus lako mintu’ pangulu to minaa sia lako to buda: Tae’ra kuappa’ tu la Naposalana te tau iate.

LUKAS 23:47

Iatonna tiromi tinde kamandang ungkapalai surodadu saratu’ tu apa mangka dadi, umpakarayami Puang Matua, nakua: Manassa Iamo misa’ To ma’bulo sanglampa te!

1 YOHANES 3:5

Miissan kumua dipasombo tu Kristus anNa lendokanni tu mintu’ kasalan; lan Kalena tae’ kasalan.

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

LUKAS 23:41

Ia kita tu kitanna sipatuki’, belanna natumangki’ penggauranta anta dipakario-rio, apa iate Tau iate moi misa’ duka tu penggauranNa tae’ sala.

MATIUS 27:54

Iatonna tiroi kamandang sia iatu mai to nasisolan ungkampai Yesu tu lino’ sia iatu mintu’ apa dadi, lendu’mi mataku’na, nakua: Manassa AnakNa Puang Matua te Tau iate.

MATIUS 27:24

Iatonna tiroi Pilatus kumua tae’mo gai’na tu kadanna, sangadi sakerangngan-rangnganna kamarekoan, naalami tu uai nabasei tu limanna dio tingayona to buda, nakua: Maserona’ aku dio mai raraNa te to malambu’: kamu rengnge’na!

MATIUS 27:19

Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

YOHANES 18:33

Iatonna malemo sule tu Pilatus tama banua pangra’tasan kara-kara, natambaimi tu Yesu anna mekutana lako nakua: Kamumoraka tu datu to Yahudi?