YOHANES 16:16 - Sura' Madatu

¹⁶ Sattu’mora anna tae’mo mikitaNa’, sia tae’ dukamora nasangapa mikitaMo’.

YOHANES 16:16 Referans Kwoze

YOHANES 7:33

Nakuami Yesu: Sattu’moraki’ la sisola, angKu malemo umpellambi’i tu To ussuaNa’.

PENGGAURANNA RASULU’ 1:3

Lako dukamo tu tau iato mai Nanii umpa’pekitanan Kalena, kumua tuomo, tonna upu’mo tu kamaparrisanNa, nabuda tu tanda Nanii umpamanassai, tonna kitaI lan patangpulo allona, sia umpokadai tu diona ParentaNa Puang Matua.

YOHANES 16:28

Lu dioMo’ mai Ambe’, angKu sae tama te lino; undinna la Kutampeo sule te lino angKu male lako Ambe’.

YOHANES 16:22

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

YOHANES 13:3

moi anNa issanni Yesu, kumua mangka nasangmo Nasorong Ambe’ tu mintu’ angge maritik lako Kalena, sia Ia lu dio mai Puang Matua sia sule lako Puang Matua,

YOHANES 16:5

Apa totemo la maleMo’ lako To ussuaNa’, natae’ bangkomi misa’ tu mekutana lako Kaleku kumua: Umbara la Miola?

YOHANES 13:33

E anakKu, sattu’mora la Kunii ussisolangkomi, ammi daka’Na’, sia susitu mangkanna Kupokada lako to Yahudi kumua: Iatu Kuninna male, tae’ mibelai ullambi’i, susi dukamoto Kupokada lako kalemi totemo.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

MARKUS 16:19

Iatonna mangka ma’kada susito tu Puang Yesu lako tinde tau, tiangka’mi kendek langngan suruga, Naunno’ko’ dio kananNa Puang Matua.

YOHANES 17:13

Apa totemo saeNa’ lako Kalemi; Kupokadamo tu iannate tongKu lanpa lino, dikua anna sundun tu kaparannuangKu napoparannu lan penaanna.

YOHANES 17:5

Na totemo o Ambe’, pakala’bi’Mo’ dio oloMi susitu kamala’biran inang diomo kaleKu MisiayokanNa’ tonna tae’pa naden te lino.

YOHANES 16:10

diona kamaloloan, belanna maleNa’ lako Ambe’ natae’mo mikitaNa’;