YOHANES 15:8 - Sura' Madatu

⁸ Iamorato tu dinii umpakala’bi’ Ambe’Ku, to ke tarri’i buammi, sia iake susito dadikomi anak gurungKu.

YOHANES 15:8 Referans Kwoze

YOHANES 8:31

Nakuami Yesu ungkuanni tu to Yahudi umpatonganNi: Iake manda’i mipentoei tu kadangKu, manerokomi anak gurungKu tongan;

MATIUS 5:16

Susi dukamoto la ma’lana-lana tu arangmi dio tingayona mintu’ tau, anna kitai tu gau’ melomi, napakala’bi’i tu Ambe’mi dao suruga.

FILIPI 1:11

Sia naponnoikomi bua kamalamburan tete dio Yesu Kristus, umpabu’tuan kamala’biran sia kadipudian Puang Matua.

YOHANES 15:5

Akumote tu oto’ anggoro’, na kamumo tu mai tangkena. Minda-minda tu reso’ lan Kaleku, sia Aku lan kalena, iamo tarri’ buanna; belanna ke tae’i na Aku urrondongkomi moi misa’ tae’mikullei umpogau’i.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

YOHANES 13:35

Iamotu iannate la nanii untandai mintu’ tau, kumua anak gurungKukomi, to ke siala masekomi.

YESAYA 60:21

Iatu taummu la malambu’ sola nasang sia la umpomana’i te padang iate sae lakona; iamotu misa’ taruk tu Kutanan kalena, misa’ pengkarang limangKu, dikua anna pakala’bi’Na’.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

1 KORINTUS 6:20

Belanna mangkamokomi dialli melolo. Iamoto la mipake tu kalemi umpakala’bi’ Puang Matua.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

HAGAI 1:8

Malekomi langngan buntu unnala kayu, ammi bangunni sule te banua iate, manassa la naposende penaangKu, angKu dipakala’bi’, kadanNa PUANG.

1 PETRUS 2:12

iatu gau’mi la melo dio lu to kapere’, dikua anna iatu napobannang umpalele bekokomi tau butung to umpogau’ kadake, tu belanna natiro tu penggauran melomi, anna pakala’bi’i tu Puang Matua ke alloNami Puang sae umpakilalai.

TITUS 2:10

sia da anna kadi’pu’-di’pu, sangadinna la napa’pekitanan tu kamarurusanna lan mintu’ melona, anna lan mintu’na nanii umpobeloi pangadaranNa Puang Matua, To pakarimmananta.

TITUS 2:5

sia kinaa, sia masero, sia birisan ungkaritutui tananan dapo’, sia melo penaanna, sia tunduk lako muanena, da anna dipokada kadake tu kadanNa Puang Matua.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

MATIUS 9:8

Iatonna tiromi to buda tu iannato, mataku’mi sia umpudi Puang Matua, tu umpa’kamasean kuasa susito lako to lino.