YOHANES 15:6 - Sura' Madatu

⁶ Iake denni tau tae’ nareso’ lan Kaleku, dialai lao lako salian susitu tangke anggoro’, anna marangke; anna rampunni tau, anna pembuanganni tama to’ api, namampu’.

YOHANES 15:6 Referans Kwoze

MATIUS 7:19

Mintu’-mintu’na tu kayu tang umpasun bua melo, la dilelleng nadibuang tama to’ api.

YOHANES 15:2

Iatu mai tang membuanna tu tangkeKu Nata’takki; sia iatu mai membuanna Naseroi, kumua nasatarri’-tarri’na buanna.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

2 PETRUS 2:20

Belanna iake tilendokmi tu tau iato mai dio mai kamaruttakanna lino tete dio kauntandaiannamo Puang To pakarimmananta, Yesu Kristus, naundinna tibalik poleomi naala poya lan mintu’nato anna talo, mandu kadake ia te undinna na iatu pamulanna.

IBRANI 10:27

sangadinna ukungan masang la ditayan sia palla api la unnimbakanni tu mintu’ to unnea.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

YEHEZKIEL 17:9

Pokadai kumua: Inde sia tu kadanNa Puangta PUANG, Nakua: La dadi siaraka? Tae’ siaraka nala ullampi’i tau tu aka’na sia nasa’pek tu buanna, naurunganni marangke tu daunna sia tarukna? La marangke sia tae’ tu lima matoto’ sia buda tau la ditambai la urra’ta i diong mai aka’na.

YESAYA 14:19

Apa ditibeangko sikambela liang butung to misa’ lolo disayu pallan; nasii’pinniko to mate nakande bassi, tu kabu’ rokko garonggong batu, butung to batang rabuk disisodo-sodoi.

PA’PUDIAN 80:15

O Kapenombanna mintu’ ma’dandan maritik, suleKomi. Tiro lumbangi dao mai suruga, sia penunui, sia parinaai te mintu’ garonto’ anggoro’.

AYUB 15:30

Tae’ natilendok dio mai kamalillinan, sia iatu dukku api ungkande mampu’i tu tarukna sia napa’dei penaa sun dipudukNa Puang.

MATIUS 27:5

Nasamboran nasangmi tu salaka tama Banua Kabusungan, namale, anna lao untoke’ kalena.

YESAYA 27:10

Belanna tondok ditambakuku iato daun lauan sia mentondok talo sia disitampei sangtinti padang aak; la nanii anak sapi undaka’ kande sia nanii ma’pasang, anna pepurai tu mai ranga’-ranga’na.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

2 SAMUEL 23:7

ianna la untoei tau, umpakepi bassi ba’tu pasoan doke, sia napadukkui api dio to’ inanna!