YOHANES 15:5 - Sura' Madatu

⁵ Akumote tu oto’ anggoro’, na kamumo tu mai tangkena. Minda-minda tu reso’ lan Kaleku, sia Aku lan kalena, iamo tarri’ buanna; belanna ke tae’i na Aku urrondongkomi moi misa’ tae’mikullei umpogau’i.

YOHANES 15:5 Referans Kwoze

FILIPI 4:13

Mintu’na apa kubela umpassanni lan Kristus, tu umpamatoto’na’.

KOLOSE 1:10

kumua anna pato’ lako Puang tu gau’mi, anNa poraikomi lan mintu’na, ammi pabu’tu bua lan mintu’ gau’ melo, sia sakerangngan-rangnganna kauntandaiammi Puang Matua.

YOHANES 15:16

Tae’ anNa kamu umpileiNa’, sangadinna Akuri tu umpileikomi sia umpamanassakomi, ammi male umpalao bua, sia tontong tu buammi; dikua anna apa-apa tu mipalaku lako Ambe’ umpotete sangangKu, la Napa’kamasean lako kalemi.

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

SARAMBU PEADA’ 11:30

Iatu buanna to malambu’ iamo sangto’ kayu katuoan sia minda-minda tu kinaa, ungkadamak tau.

2 KORINTUS 13:8

Belanna tae’ kima’din umpogau’i tu untingoinna kamanapparan, sangadinna situru’nari kamanapparan.

YOHANES 5:19

Mebalimi tu Yesu sia nakua ungkuanni tu tau: Tonganna tongan Kukua mati’: Moi misa’ apa tae’ Nama’inaanna tu Anak umpogau’i ke tae’i Natiroi Napogau’ Ambe’; belanna apa-apa tu Napogau’ Ambe’, ten dukato Napogau’ Anak.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

YOHANES 12:24

Tonganna tongan Kukua mati’: Iatu gandung sanglise’ ke tae’i natobang rokko padang namate, tontong bang sanglise’; apa iake matei, memba’ka’ tu buanna.

ROMA 7:4

Susi dukato, e sangsiulurangku, kamu te dipamatekomi mitilendok dio mai Sukaran aluk tete dio batang kalena Kristus, kumua anna to senga’ umpoissankomi, iamotu To mangka dipamalimbangun dio mai to’ to mate, anta pabu’tuanni Puang Matua tu buanna.

FILIPI 1:11

Sia naponnoikomi bua kamalamburan tete dio Yesu Kristus, umpabu’tuan kamala’biran sia kadipudian Puang Matua.

YOHANES 9:33

Iake la tae’I nalu dio mai Puang Matua tu Tau iato, moi misa’ apa tae’ Nakullei umpogau’i.

FILIPI 4:17

Tae’ kumua undaka’na’ pamengan, sangadinna iari kudaka’ tu kakerangngananna bua kamesaroammi.

ROMA 6:22

Apa totemo iammi mangka dipopentorro to makaka dio mai kasalan, sia dipopengkaunan lako Puang Matua, la unnappa’komi bua umpabu’tu kamaseroan, nama’katampakanna katuoan sae lakona.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

1 KORINTUS 12:12

Belanna susi kale misa’, anna buda lesoan kalena, anna iatu lesoan kalena moi anna buda, misa’ bangsiari kale, susi dukamoto tu Kristus.

1 PETRUS 2:4

Iamo mipentireke’i, iamotu batu tuo, tonganna natibei tolino, apa passanganNa Puang Matua ditonno’ sia keangga’;

1 KORINTUS 12:27

Na kamumo te tu kaleNa Kristus, sia kamumo sola nasang tu mai lesoan kaleNa.

EFESUS 5:9

– belanna iatu bua kamasiangan iamotu kameloan, kamaloloan sia kamanapparan –,

2 KORINTUS 9:10

Apa Puang tu umpa’bengan banne lako to mangambo’ sia kande la dikande. Ia duka la umpa’kamaseanni sia umpopemba’ka’i tu pangambo’mi sia umpatarri’i tu bua kamaloloammi,

KOLOSE 1:6

tu ullambi’mokomi, susitu lannamo mintu’ lino, tu membua sia sakerangngan-rangnganna, susi dio kalemi, randuk dio mai miranginnamo sia mitandainna tonganmo tu pa’kamaseanNa Puang Matua,

ROMA 12:5

susi dukamoto tu kita budaki’ anta sangkale lan Kristus, apa pada-padaki’ sipolesoan kale sola nasang.

1 KORINTUS 10:16

Iatu irusan pa’kurre sumangasan tu takurre sumanga’i, tang iaraka to tu umpasirapuki’ raraNa Kristus? Sia iatu roti tatepu-tepu, tangiaraka umpasirapuki’ Kalena Kristus?

HOSEA 4:8

Tau iato mai unnappa’ kandena dio mai kasalanna taungKu sia iatu kamoraianna ma’palulako kakelokanna.

MATIUS 13:21

apa tae’ namennuaka’ lan penaanna, sangadinna sattu’ri, nanii mananna’. Ianna sae peroso ba’tu pa’pakario-rio tu diona kada iato, ta’pa napamo’dongmi tu penaanna.