YOHANES 15:10 - Sura' Madatu

¹⁰ Iake ungkaritutuikomi mintu’ parentaKu, manassa tontongkomi lan pa’kaboro’Ku, susi Aku mangkamo ungkaritutui mintu’ parentaNa Ambe’Ku sia tontong lan pa’kaboro’Na.

YOHANES 15:10 Referans Kwoze

YOHANES 14:15

Iake mikamali’Na’, la mikaritutui tu mintu’ parentaKu.

1 YOHANES 5:3

Belanna iamo kamamaliran lako Puang Matua, ke dikaritutui tu mintu’ parentaNa; iatu mintu’ parentaNa tae’ namagasa.

1 YOHANES 2:5

Apa minda-minda ungkaritutui tonganni tu kadanNa, tonganna kumua lanmo kalena nanii tepu pa’kaboro’Na Puang Matua. Dionamoto taissanni kumua iatu kita lanki’ Kalena.

2 PETRUS 2:21

Belanna mandu melo, iake tae’pi natandai tu lalan kamaloloan na iake natandaimi, namemboko’ dio mai atoran masallo’ disoronganni.

YOHANES 8:29

Iatu To ussuaNa’ sirondongNa’. Tae’ NatampeNa’ misa-misa, belanna tontongNa’ umpogau’i tu Naporainna.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

YOHANES 17:4

MangkamoKomi Kupakala’bi’ lan lino angKu pasundunni tu pengkarangan Misorong lako Kaleku la Kupogau’.

YOHANES 14:31

Apa dikua anna issanni issinna te lino kumua ungkamali’Na’ Ambe’, sia Kupogau’ susitu Napokadanna Ambe’ lako Kaleku. Ke’de’mokomi, maimokomi tamale.

YOHANES 12:49

Belanna tangia kumua lalan inaangKu kalena angKu ma’kada-kada, sangadinna Ambe’ ussuaNa’, mangkaMo’ Napokadan pepasan tu sipatunna la Kupokada sia Kupa’pangadaran.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.

YOHANES 14:21

Minda-minda tu untoe parentaKu nakaritutui, iamoto ungkamali’Na’; apa minda-minda tu ungkamali’Na’, iamo Nakamasei Ambe’Ku, sia Aku duka la ungkamasei sia umpaombo’ Kaleku lako.

1 KORINTUS 7:19

Iatu disunna’ tae’ patunna, sia iatu tang disunna’ tae’ patunna, sangadinna iari tu ungkanannangi parentaNa Puang Matua.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

YESAYA 50:5

Napoparangimo Puangta PUANG tu talingangku, anna tae’ kumengkailing, sia tae’ kusorong boko’.

YOHANES 8:55

Tae’ kamu mitandai, apa Aku Kutandai. Iake Kukua kumua, tae’ Kutandai, manassa susi bangsiaNa’ kamu mo’rang; apa Kutandai Aku sia Kukaritutui tu kadanNa.

YOHANES 10:18

Moi misa’ tau tae’ unnalai dio mai Kaleku, apa inaangku Aku ussorongi. KuasaNa’ ussorongi sia kuasa dukaNa’ unnalai sule; iate parenta iate Kutarima lu dio mai Ambe’Ku.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

1 YOHANES 2:3

Dionamote taissanni kumua tatandaimo, iake takaritutui tu parentaNa.

1 YOHANES 2:6

Iatu to ussanga kalena torro lan Puang sipato’ ia la umpalolang kalena susi Kristus mangkamo umpalolang Kalena.

KATASSURAN 7:6

Napogau’mi Musa sola Harun susito; susitu Napokadanni PUANG, susi dukamo napogau’ to.

2 SAMUEL 22:22

belanna kuturu’mo tu mintu’ lalanNa PUANG, sia tae’ bangpa angku sala’ kedo, sepang dio mai Kapenombangku.

2 DATU 18:6

Sia la’ka’ tu datu lako PUANG, tae’ naboko’i sia nakaritutui tu mintu’ pepasan, tu mangka Napepasanan PUANG lako Musa.