YOHANES 14:2 - Sura' Madatu

² Lan banuanNa Ambe’Ku buda inan dinii torro; iake tae’i nasusi to, manassa mangkamo Kupokada lako kalemi; belanna la laoNa’ umpasakkarangkomi inan.

YOHANES 14:2 Referans Kwoze

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

YOHANES 13:36

Nakuami Simon Petrus lako: O Puang, umbara la Minii lao? Nakuami Yesu mebali lako: Iatu la Kuninna lao, tae’ mubelai la undi urrundu’Na’ totemo; apa undinna la undiko urrundu’Na’.

IBRANI 13:14

Belanna inde te tae’ tondok matontonganta, sangadinna undaka’ki’ pa’tondokan undi.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

IBRANI 11:10

Belanna urrannuan tondok diparandanganni, tu Nabangun sia Napabendan Puang Matua.

YOHANES 13:33

E anakKu, sattu’mora la Kunii ussisolangkomi, ammi daka’Na’, sia susitu mangkanna Kupokada lako to Yahudi kumua: Iatu Kuninna male, tae’ mibelai ullambi’i, susi dukamoto Kupokada lako kalemi totemo.

YOHANES 16:4

Apa mintu’na te kupokada lako kalemi, dikua ianna lambi’i attunna ma’dinmo mikilalai, kumua mangkamo Kupokada lako kalemi susito. Mintu’nate iannate tae’pa Kupokadai lako kalemi tempon dio mai mulanna, belanna denPa’ misisolan.

YOHANES 17:24

O Ambe’, Kuporai ke sisolaNa’ tu to mangka Misorong lako Kaleku umba-umba Kunii, anna kitai tu kamala’birangKu tu mangka Mipa’kamasean lako Kaleku, belanna Mipakaboro’Na’ tempon dio mai tonna tang dikombongpa te lino.

IBRANI 6:20

dio inan Naniimo Yesu mentama mendadi Panglalan belanna kita, tu mendadi Tominaa Kapua sae lakona unturu’ lalanna Melkisedek.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

IBRANI 9:8

Susimo a’gannato Nanii umpapayanni Penaa Masallo’, kumua tae’pa anna tibungka’ tu lalan lako to’ inan tarru’ maindan, ke bendan siapi tu tenda dolo,

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

1 TESALONIKA 5:9

Belanna tae’ Nalampakki’ Puang Matua la narampoi kasengkean, sangadinna la ungkabu’tui kamakarimmanan tete dio Puangta Yesu Kristus.

PENGGAURANNA RASULU’ 9:16

Belanna la Kupakitan ba’tu pira-pira kamaparrisan tu sipatu la naperasai diona sangangKu.

YOHANES 14:28

Mirangimo kumua Kukua ma’kada mati’: La maleNa’ sia la suleNa’ lako kalemi. Iake mikamali’Na’, manassa parannukomi, to kumua la maleNa’ langngan Ambe’, belanna iatu Ambe’Ku ondong mala’bi’Na na Aku.

LUKAS 14:22

Ma’kadami tu kaunan nakua: O Puang, dadimo susitu mipokada, apa denpa tu inan lo’bang.