YOHANES 14:1 - Sura' Madatu

¹ Da miparossoi tu penaammi; patonganNi tu Puang Matua, sia patongan dukaNa’!

YOHANES 14:1 Referans Kwoze

YESAYA 26:3

Iatu to matu’tun penaanna Mikaduttu’ kamarampasan sundun, belanna sande’ mati’ Kalemi.

YOHANES 12:44

Napemanduimi Yesu ma’kada Nakua: Minda-minda tu umpatonganNa’, tae’ kumua Aku napatongan, sangadinna iatu To ussuaNa’;

YOHANES 6:40

Belanna inde sia tu pa’poraianNa Ambe’ku, kumua umba-umba tu mentiro lako tu Anak anna patonganNi, la ungkabu’tui katuoan tontong sae lakona, na Aku la umpamalimbangunni ke allo katappurannai lino.

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

1 PETRUS 1:21

bannang diomora Kristus, ammi patongan Puang Matua, tu umpamalimbangunNi dio mai to’ to mate sia Naba’gi kamala’biran, naurunganni lu lako Puang Matua tu kapatonganammi sitonda kapa’rannuanammi.

YOHANES 13:19

Totemote Kupokadammokomi tu iannato su’ding tae’pi nadadi, ammi patonganni ke dadii, kumua Aku tonganmo.

EFESUS 1:15

Iamoto iatongku rangii tu kapatonganammi lako Puang Yesu sia pa’kaboro’mi lako mintu’ to masallo’,

YOHANES 12:27

Totemo te lendu’ rossona tu penaangKu; apara la Kupokada? la Kukuaraka: O Ambe’, karimmanniNa’ dio mai te attu iate! Tae’, apa iari to angKu lambi’i te attu iate.

2 TESALONIKA 2:2

da anna madomi’ tu penaammi saling sia tigiang, la tete dio pa’paombo’na penaa, la tete dio kada, ba’tu tete dio sura’, tu disanga lu dio mai kaleki, butung to saemo tu alloNa Puang.

2 KORINTUS 2:7

Sangadinna sipatu la mipagarri’ kasalanna sia mipakatana, da anna bonnongi kamasussan kapuana.

YOHANES 11:33

Iatonna tiroi Yesu tu Maria tumangi’, sia iatu mai to Yahudi nasolan sae tumangi’ duka, tu’dangmi ara’Na sia lendu’ mamassengNa untiroi,

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

YEREMIA 8:18

Tang kutanan tongan mapa’dikna tu penaangku, lendu’ masussanna penaangku!

YOHANES 16:3

Mintu’ tu iannato napogau’, belanna tae’ natandai tu Ambe’ sia Aku.

PA’PUDIAN 77:10

Tang Nakilalaimoraka Puang Matua tu kamaturu-turuanNa, sia Natampunmoraka tu mamaseNa diona sengkeNa? Sela

YOHANES 16:6

Iamira tu Kupokadamo lako kalemi tu mintu’nato, anna ponnomo lan penaammi tu kamasussan.

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.