YOHANES 12:16 - Sura' Madatu

¹⁶ Dolona tae’ naissanni anak gurunNa tu iannato; apa iatonna dipakala’bi’ tu Yesu, maneri ta’ka’ lan penaanna kumua iatu ianna to mangkamo disura’ tu diona Ia, sia mangkamo napogau’ lako Kalena.

YOHANES 12:16 Referans Kwoze

YOHANES 2:22

Iamira tonna malimbangunmo dio mai to’ to mate, namane ungkilalai anak gurunNa kumua mangkamo Napokada te; napatonganmi tu Sura’ Madatu sia iatu kada mangka Napokada Yesu.

YOHANES 14:26

Apa iatu Panglalan iamotu Penaa Masallo’, tu la Nasua Ambe’ tete dio sangangKu. Iamo la unnada’ikomi tu mintu’nato sia la umpakilalakomi tu mintu’na mangkanna Kupokadangkomi.

YOHANES 7:39

Iatu Napokadanna te diona Penaa, tu la natarima mintu’ to umpatonganNi; apa attu iato tae’pa tu Penaa Masallo’ belanna tae’pa Nadipakala’bi’ tu Yesu.

PENGGAURANNA RASULU’ 2:36

Iamoto la naissan tongan mintu’ to ma’rapu Israel kumua Puang Matuamo umpadadiI Puang sia Kristus tu Yesu, tu mia’ta’.

YOHANES 12:23

Mebalimi Yesu sia Nakua ungkuanni tinde mai tau: Nalambi’mo attunna tu Anak rampan dilino la dipakala’bi’.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 8:1

Lan mintu’na apa kipokada susito iamo ma’iringanna te, to kumua: Den misa’ Tominaa Kapuata tu susinnato, tu unno’ko’ dio sa’de kanan isunganNa Topatodoranna dao suruga.

PENGGAURANNA RASULU’ 3:13

Puangna Abraham sia Ishak sia Yakub, tu Puangna nene’ to dolota umpakala’bi’ TaunNa, iamotu Yesu, tu misorong kamu sia mipeoanganni dio olona Pilatus, tonna ra’ta’i kumua la dirampanan.

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

YOHANES 16:4

Apa mintu’na te kupokada lako kalemi, dikua ianna lambi’i attunna ma’dinmo mikilalai, kumua mangkamo Kupokada lako kalemi susito. Mintu’nate iannate tae’pa Kupokadai lako kalemi tempon dio mai mulanna, belanna denPa’ misisolan.

LUKAS 24:45

Tonna iato Napatibungka’mi tu penaanna tinde tau, kumua anna issanni tu Sura’ Madatu.

LUKAS 24:25

Nakuami Yesu lako: E to baga sia to banda’ inaa umpatonganni tu mintu’na apa mangka napokada nabi!

LUKAS 18:34

Tae’ bangmi misa’ natandai tinde tau tu iannato sia iatu kada iato tae’ bang napebayangi, tae’ naissanni tu Napokadanna Yesu.

LUKAS 9:45

Apa tae’ naissanni te kada iate, sia napusa’i, iamo pole’ natae’ natandai, sia mataku’ umpekutananni lako tu kada iato.

YOHANES 17:5

Na totemo o Ambe’, pakala’bi’Mo’ dio oloMi susitu kamala’biran inang diomo kaleKu MisiayokanNa’ tonna tae’pa naden te lino.

MARKUS 16:19

Iatonna mangka ma’kada susito tu Puang Yesu lako tinde tau, tiangka’mi kendek langngan suruga, Naunno’ko’ dio kananNa Puang Matua.

MARKUS 9:32

Apa tae’ naissanni tinde tau tu kada iato, sia mataku’ duka umpeku- tananNi.