YOHANES 11:11 - Sura' Madatu

¹¹ Susimoto tu kadanNa; namangka to Nakuami ungkuanni tinde tau: Mamma’mo tu sangmaneta Lazarus, apa la laoNa’ untundanni.

YOHANES 11:11 Referans Kwoze

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

YOHANES 11:13

Iatu Napokada Yesu diona ia kamateanna, apa nasanga tinde tau kumua diona kalupianna mamma’ tu Napokada.

1 TESALONIKA 5:10

Tu mangka mate belanna kita, naurunganni la pasa’dingki’, la mamma’ki’, la tontongki’ tuo sisola.

1 KORINTUS 15:51

Pengkilalai, kupaissanangkomi rasia kumua: iate kita sola nasang, tae’ tala ussalai lino, apa dipopembali nasangki’,

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

MATIUS 27:52

Sia iatu mai liang tibungka’, anna den ba’tu pira-pira tu batang rabukna to masallo’ malimbangun sule;

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.

MARKUS 5:39

Iatonna tamamo, Nakuami lako tau iato mai: Ma’apai ammi mamak sia siurrukan? Tae’ ia namate te pia te, sangadinna mamma’ri.

MATIUS 9:24

Nakuami: Mengkalaokomi, tae’ ia namate te pia te, sangadinna mamma’ri. Napetaaimi tau.

KATASSURAN 33:11

Sitiro lindomi PUANG tu Musa, Nama’kada lako Musa, butung to misa’ tolino sipa’kada sangmanena; mangkato sulemi tu Musa lako to’ tenda. Apa iatu taunna, iamo Yosua, anakna Nun misa’ to mangura, tae’ namallai dio mai tenda iato.

YAKOBUS 2:23

Na susito nalambi’mo tu kada lan Sura’ Madatu, nakua: Napatonganmo Abraham tu Puang Matua, na iamorato tu dibilang kamaloloan lako kalena; iamo disangai sangmaneNa Puang Matua.

1 KORINTUS 15:34

La mengkilalamokomi situru’ sipato’na sia da’mo mipengkaolai kasalan: belanna denkomi pira tu tang untandai Puang Matua. Ia sia kupokadai te kumua ammi masiri’.

1 KORINTUS 15:18

Susi dukato tu mintu’ to ussalaimo lino lan Kristus, sanggangmo.

YOHANES 11:3

Mesuami tu to massiulu’ sola duai lako Yesu nakua: O Puang, iatu to Mipakaboro’, masaki.

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

YESAYA 41:8

Apa iko, e Israel, taungKu, e Yakub, tu mangka Kupilei langsa’, bati’na Abraham, sangmaneKu.

2 OSSORANNA DATU 20:7

Tae’raka na Kamu tu Kapenombangki, tu mangkamo urrambai dio mai tingngayona to Israel, taumMi, tu tau lan tondok iate, amMi kamaseanni bati’na Abraham, sangmaneMi, anna pomana’i sae lakona?

PA’TOLE 31:16

Ma’kadami tu PUANG lako Musa, Nakua: Manassa la malemoko tama batu dilobang dipasola nene’ to dolomu, na iatu bangsa iate la male unturu’ kapenomban senga’na tondok, tu nanii tama, susito pasandak salu lako rampanan kapa’ sia la umboko’iNa’ sia umpoka basseKu, tu mangka Kutanan sola.

2 DATU 4:31

Iatu Gehazi dolo ia male na iatu tau sola duai, napatorroi tu tekken dao to’ lindona tu pia; apa tae’ra gamara dirangi sia tae’ra tanda pangingaranna. Sulemi nasitammu, anna pokadanni kumua: Iatu pia tae’ bang napandiu.

YOHANES 11:10

Apa iake denni tau lumingka bongi, titodo, belanna tae’ maserona lan kalena.

YOHANES 11:12

Nakuami anak gurunNa lako: O Puang, iake mamma’ bangsiari, tang la bangunorika ia.