YOHANES 10:6 - Sura' Madatu

⁶ Iamote tu pa’pasusian Napokada Yesu lako tu tau; apa tae’ naissanni tu Napokadanna lako.

YOHANES 10:6 Referans Kwoze

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

SARAMBU PEADA’ 28:5

Iatu to kadake tae’ natandai tu malolona, apa minda-minda undaka’ PUANG natandai nasang.

PA’PUDIAN 82:5

Tau iato mai tae’ tangnga’na sia tae’ paissanna, tontong bang lolang nakabu’ kamalillinan; ia dukamoto anna tigega’ tu mintu’ parandanganna te lino.

YOHANES 16:25

Mintu’na tu iannato Kupokadamo lako kalemi Kualan pa’pasusian; apa la sae tu attunna tu tang la Kuninnamo unnala pa’pasusian ma’kada lako kalemi, sangadinna la Kupamanassa pissan bangmo Kupa’peissanan lako Kalemi tu diona Ambe’.

MATIUS 13:51

Mikanassamoraka te mintu’na te? Nakuami lako: Kikanassamo.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

PA’PUDIAN 106:7

Tae’ anna palan ara’i to doloki tu mintu’ penggauran kalle-kalleamMi dio tana Mesir, sia tae’ anna kilalai tu kamasokanan budamMi, sangadinna pabali-bali dio to’ randan tasik, dio tasik Teberau.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

1 KORINTUS 2:14

Apa iatu to umbudanan mentolinona tae’ natarimai tu apa lu dio mai PenaanNa Puang Matua, belanna iatu apa iato nasanga pa’popetaa lako kalena, sia tae’ nabelai untandai, belanna apa iato la ditimbang dio a’gan mempenaa.

YOHANES 8:43

Ma’apari natae’ miissanni tu laoan kadangKu? Tu belanna tae’ miissanni umperangii te kadangKu.

YOHANES 8:27

Tae’mi natandai tinde mai tau, kumua iatu Napokadanna lako iamotu diona Ambe’.

YOHANES 7:36

Kada apa ia tu Napokada kumua: La midaka’Na’ natae’ mikabu’tuiNa’, sia iatu Kuninna tae’ mibelai ullambi’i?

YOHANES 6:60

Budami tu to unturu’I urrangii tu kadanNa susito, ma’kada kumua: Makarra’ maro’ ia te kada iate, mindara ma’din la umperangii?

YOHANES 6:52

Sita’gen kalenami tu pada to Yahudi sia nakua: Umba Ia Nakua te Tau te la umbenki’ tu kaleNa dikande?

MATIUS 13:34

Mintu’nate naalan pa’pasusian Yesu Napokadan to buda, sia tae’ nama’kada lako tau ke tang pa’pasusian.

MARKUS 4:34

Tae’ Nama’ulelean lako tau iato mai, ke tang pa’pasusian, apa ianna anak gurunNa manna Nasisolan, Nabattuananni lako tu mintu’nato.

YOHANES 16:29

Nakuami anak gurunNa lako: Tiromi, totemo te Mipamanassa pissan bangmo tu kadamMi, tae’mo Miala pa’pasusian ma’kada.

2 PETRUS 2:22

Nalambi’mo te parumbasan tongan tu tau iato mai, tu nakua: Asu ungkande luana sia bai mangka didio’ mentombang sule.