YOHANES 10:42 - Sura' Madatu

⁴² Budami tau umpatongan Yesu inde to dio.

YOHANES 10:42 Referans Kwoze

YOHANES 4:41

Sabuda-budannami tau ma’patongan belanna narangi kalenamo tu kadanNa Yesu.

YOHANES 12:42

Moi anna susito, buda tu mai pangulu umpatonganNi, apa belanna to Farisi, tae’mi namangaku, kumua da naditassu’i lan mai banua pa’kombongan.

YOHANES 11:45

Budami tu to Yahudi sae unno’ko’ sola Maria, umpatongan Yesu tonna kitai tu penggauran Napogau’.

YOHANES 8:30

Iatonna ma’kada susito, budamo tau umpatonganNi.

YOHANES 7:31

Apa buda tau lan tinde to buda umpatonganNi sia nakua: Iake saeI tu Kristus, la buda pole’oraka tanda kalle-kallean Napaden na iatu Napadenna te Tau iate?

YOHANES 4:39

Budami tu to Samaria lan tondok iato umpatonganNi tu Yesu, belanna kanakanassainna tinde baine nakua: Napokadamo lako kaleku tu mintu’na mangkanna kupogau’.

YOHANES 2:23

Tonna diomo Yerusalem, tonna allo kapua dinii Ma’pasa, budami tau umpatonganni tu sanganNa, belanna nakitamo tu tanda kalle-kallean Napogau’.