YOHANES 10:11 - Sura' Madatu

¹¹ Akumo tu to mangkambi’ masokan; iatu to mangkambi’ masokan ussorong penaanna ussondai tu mintu’ domba.

YOHANES 10:11 Referans Kwoze

YOHANES 15:13

Tae’ dio misa’ duka tau tu pa’pakaboro’ ondong na iate, tu napourungan ussorong penaanna belanna mintu’ sangmanena.

PA’PUDIAN 23:1

Pa’pudianna Daud. PUANGmo tu to manglaaku; tae’ angku kapu’duran len.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

1 YOHANES 3:16

Nasusite tatandaimo tu pa’kaboro’, belanna mangkamo Kristus ussorong sunga’Na, diona kita; sipato’ dukamoki’ ussorong sunga’ta belanna sangsiuluran.

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

YEHEZKIEL 34:23

Attu iato la Kuangka’ tu misa’ to mangkambi’ dio lu tau iato mai, tu la ungkambi’i, iamotu Daud, taungKu. Iamoto tu la ungkambi’i tau iato mai, sia dadi to mangkambi’na tau iato mai.

YEHEZKIEL 37:24

Na Daud, taungKu, tu la undatui sia misa’mora to mangkambi’ tu la ungkambi’i sola nasangi. Anna turu’i tu apa Kupondok sia la nakaritutui sia la napogau’ tu atorangKu.

1 PETRUS 5:4

Sia iake bu’tumi undinna tu Pangulu to mangkambi’ iato, la miappa’ tu makota kamala’biran tang la malayu len.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

YESAYA 53:6

Pusamiki’ sola nasang susi domba, pantan unnula’moki’ lalanta, apa mintu’ kakadakeanta Napalulako PUANG TaunNa.

PA’PUDIAN 80:1

Lu lakona pangala sengo. Unturu’ baenan sengo bunga bakung. Kasa’bianna Asaf. Misa’ pa’pudian.

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

YEHEZKIEL 34:2

E ma’rupa tau, ma’nubua’ko unnea mintu’ to mangkambi’na Israel, ma’nubua’ko sia ma’kadako lako tau iato mai, iamotu to mangkambi’, mukua: Inde sia tu kadanNa Puangta PUANG, Nakua: Upu’ allona tu to mangkambi’na Israel, tu kalena manna nakambi’! Iatu mai to mangkambi’ tang dombaraka ia tu sipatu nakambi’?

YOHANES 10:2

Apa iatu unnola tamanna ba’ba, iamo ia to mangkambi’ domba.