YOHANES 1:7 - Sura' Madatu

⁷ Iamo sae umpamanassai, la ungkatottongi tu diona arrang, kumua anna ma’patongan tu mintu’ tau belanna Ia.

YOHANES 1:7 Referans Kwoze

PENGGAURANNA RASULU’ 19:4

Nakuami Paulus: iatu Yohanes umpa’dioran pa’dioran umpotete katobaran, sia napokadan tau kumua sipatu la napatongan tu To la sae undinna na ia, iamotu Yesu.

YOHANES 1:36

Iatonna kitami tu Yesu sumalong-malong, nakuami: Tiromi tu Anak dombaNa Puang Matua.

YOHANES 1:12

Apa padami tau untarimaI, iamo Naben kuasa la mendadi anakNa Puang Matua, tu to ungkanappa’i tu sanganNa;

YOHANES 1:9

Iatu manassana arrang tu unnarrang mintu’ tau, mane sae tama lino.

YOHANES 1:15

Nakatottongimi Yohanes sia metamba-tamba nakua: Iamora te tu mangka kupokada a’ganNa kumua: Iatu undinna sae na aku, Iamo undoloina’, belanna inang dolo Ia den na aku.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.

TITUS 2:11

Belanna iatu pa’kamaseanNa Puang Matua, tu umpasaena kamakarimmanan lako mintu’ tolino, bu’tumo,

EFESUS 3:9

sia umpamanassai lako mintu’ tau tumba tu diona umpalolang rasia tu tempon diomo mai kabunian bang lan Puang Matua, To umpadadi mintu’ angge maritik,

1 TIMOTIUS 2:4

tu umporai ke mintu’i tau unnappa’ kamakarimmanan sia ullambi’ kapaissanan diona kamanapparan.

YOHANES 1:19

Inde sia tu nakatottongi Yohanes, tonna ussua to minaa sia to Lewi tu to Yahudi dio mai Yerusalem la lao umpekutananni lako, kumua: Mindarakomi?

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

GALATIA 3:26

Belanna iatu kamu sola nasang anakNakomi Puang Matua tete dio kapatonganan lako Yesu Kristus.