YOHANES 1:44 - Sura' Madatu

⁴⁴ Iatu Filipus to Betsaida, sangtondok Andreas na Petrus.

YOHANES 1:44 Referans Kwoze

YOHANES 12:21

Saemi lako Filipus to Betsaida dio tana Galilea tu tau iato mai, anna palakui nakua: O tuang, la moraikan untiro Yesu.

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

LUKAS 10:13

Upu’ allomu, e Khorazim, sumpu sumandakmu, e Betsaida, belanna iakenna susinna nalan Tirus na Sidon dinii umpadenni tu tanda mangnga, mangka dipadenangkomi, manassa masaimo namangka mengkatoba’ sia unno’ko’ umpembungku’ karoro’ sia au.

LUKAS 9:10

Iatonna sule nasangmo tu rasulu’, nauleleammi lako Yesu tu mintu’na mangkanna napogau’ sola nasangi. Nasarakki misami Yesu tu rasulu’, Nasolanni lako tondok disanga Betsaida.

MARKUS 8:22

Saemi lako tondok Betsaida. Nabaami tau lako Kalena tu to buta misa’ sia napalaku anNa sapui.

MARKUS 6:45

Ta’pa Napasasami tu anak gurunNa kendek langngan lembang la lamban lako tondok Betsaida, tonna marassan ussuai sule tu to buda.

MARKUS 3:18

Sia Andreas sia Filipus sia Bartolomeus sia Matius sia Tomas sia Yakobus, anakna Alfeus sia Tadeus sia Simon to Kanani,

MATIUS 10:3

Filipus sia Bartolomeus; Tomas sia Matius passima; Yakobus anakna Alfeus sia Tadeus;

PENGGAURANNA RASULU’ 1:13

Iatonna tamamo tondok, kendekmi langngan inan mengkadaoan tu naninna Petrus sia Yohanes sia Yakobus sia Andreas sia Filipus sia Tomas sia Bartolomeus sia Matius sia Yakobus, anakna Alfeus sia Simon Zelot na Yudas, anakna Yakobus.

LUKAS 6:14

Iamotu Simon, tu diganti Petrus, na siulu’na, disanga Andreas, sia Yakobus, sia Yohanes, Filipus,

YOHANES 1:43

Iatonna masiang to la malemi lako Galilea; Nasiappa’ Filipus. Nakuami ungkuanni: Undiko urrundu’Na’.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

YOHANES 1:46

Nakuami Natanael lako: Ma’dinraka tu Nazaret nanii bu’tu melona? Nakuami Filipus: Maimoko mutiroi!

YOHANES 1:48

Nakuami Natanael lako: Umbara Mikua untandaina’? Nakuami Yesu mebali lako: Tae’pa natambaiko Filipus, tommu dio to’ ara angKu kitamoko.

YOHANES 6:5

Iatonna bangunan matanNa tu Yesu sia Natiro lendu’ budanna tau sae lako Kalena, Nakuami lako Filipus: Umbara la tanii unnalli roti, anna kandei te to buda?

YOHANES 6:7

Nakuami Filipus mebali lako: Passaratusan ruppia roti tae’pa nasilasa te tau, moi anna sisidi’ri namisai.

YOHANES 12:22

Saemi napokada Filipus tu iannato lako Andreas, nasae tu Andreas sola Filipus umpokadai lako Yesu.