YOHANES 1:41 - Sura' Madatu

⁴¹ Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

YOHANES 1:41 Referans Kwoze

YOHANES 4:25

Nakuami tinde baine lako: Kuissan sia kumua la sae tu Mesias, tu disanga Kristus; ianNa sae, la Napa’peissanan lako kaleki tu mintu’nato.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

PA’PUDIAN 89:20

Tonna attu iato ma’kadamoKomi lako to masallo’Mi lan patiro mendeata, susite: Mangkamo Kulampakan pa’tunduan tu misa’ lalong, sia Kupamatandemo tu misa’ to dipilei langsa’ lan mai bangsa iato.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

LUKAS 2:38

Iatonna iato saemi, naparandukki umpudi-pudi Puang Matua sia unnuleleanni tinde Pia lako mintu’ to untayan kadila’bakanna Yerusalem.

LUKAS 2:17

Iatonna tiromi, narundunammi tu kada dipokadanni diona tinde Pia’-Pia’.

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YESAYA 11:2

Ia la Nanii ta’pa PenaanNa PUANG, iamotu Penaa kakinaan sia tangnga’ kinaa, Penaa pa’timbangan sia kamatotoran, Penaa kapaissanan sia kamatakuran lako PUANG.

PA’PUDIAN 45:7

Isungan kapayungamMi, o Puang Matua, tontong sae lakona, Sia tekken kamalamburan iamo tekken kapayungammi.

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

2 DATU 7:9

Attu iato sipa’kadami nakua: iate penggauranta tae’ namelo. Allo iamote tu allo kareba melo, anta kappa bang. Ianta peagi masiang, manassa naruaki’ ukungan. Iamoto, maimokomi, anta lao umparampoi te kareba tama tongkonan layukna datu.

1 YOHANES 1:3

iatu apa kitiromo sia kirangimo, ia dukamo kipa’peissanan pole lako kalemi, anna kamu duka tama kasiulangan lan kasiturusan sisola kami; iatu kasiturusangki iamo kasiturusan kisiulangi Ambe’ sia Yesu Kristus, AnakNa.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.