YOHANES 1:4 - Sura' Madatu

⁴ Ia oto’na katuoan, anna iatu katuoan iamo arrangna tolino.

YOHANES 1:4 Referans Kwoze

YOHANES 8:12

Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

YOHANES 5:26

Belanna susitu Ambe’ den katuoan lan Kalena, ten dukamoto Napa’kamasean lako Anak naden katuoan lan Kalena.

YOHANES 9:5

Iake lanPa’ te lino, Akumo tu arrangna lino.

YOHANES 11:25

Nakuami Yesu lako: Akumote tu kamalimbangunan sia katuoan; minda-minda tu umpatonganNa’, moi anna mate, la tuo;

1 YOHANES 5:11

Inde sia tu pa’katottonginNa: mangkamoki’ Nakamasean Puang Matua tu katuoan matontongan, na katuoan iato lan AnakNa.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

KOLOSE 3:4

Ianna dipapayan tu Kristus, tu katuoanta, la dipapayan dukakomi sola lan kamala’biran.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

PENGGAURANNA RASULU’ 26:23

iamotu Kristus sipatu umperasai kamaparrisan sia Iamo bunga’na malimbangun dio mai to’ to mate la umpa’peissanan misa’ arrang lako te bangsata sia lako duka to kapere’.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

1 YOHANES 1:2

– na iatu katuoan mangkamo dipasombo sia kitiromo, angki katottongi sia kipa’peissanan lako kalemi tu katuoan matontongan, tu inang denmo siayoka Ambe’, anna dipasombo lako kaleta; –

YOHANES 5:21

Belanna susi Ambe’ umpamalimbangun to mate anNa patuoi, ten dukamoto tu Anak umpatuoi minda-minda tu Naporai.

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

1 KORINTUS 15:45

Susi dukato den disura’, nakua: Iatu bunga’na tolino iamotu Adam unnala a’gan tuo. Na iatu Adam undi mendadi penaa ma’patuo.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

PA’PUDIAN 49:6

Apara bannangna angku mataku’ra, ke allo kamaparrisan, ke napatama limbuna’ kakelokanna mintu’ to untananni sura kambutu’ku.

YOHANES 3:19

Inde sia nadipaolai pangra’ta’, to kumua saemo tama lino tu maserona, apa napa’budai ia tolino tu malillinna na iatu maserona belanna kadake tu penggauranna.

1 YOHANES 1:1

Iatu apa denmo tempon dio mai, tu kirangimo, tu nata’paimo matangki, tu mangkamo kitiro sia mangkamo nakaka’ limangki iamotu diona Bisara katuoan,