YOHANES 1:13 - Sura' Madatu

¹³ tu kombong tang lu dio mai rara sia tang lu dio mai kasikamaliranna kale sia tang lu dio mai kamoraianna muane, sangadinna lu dio mai Puang Matua.

YOHANES 1:13 Referans Kwoze

1 YOHANES 3:9

Minda-minda tu lu dio mai Puang Matua, tae’ napogau’ kasalan, belanna iatu amboran malapu’Na Puang manda’ lan kalena; tae’ nakullei umpogau’ kasalan, belanna lu dio mai Puang Matua.

YAKOBUS 1:18

Situru’ lalan penaanNa anNa mangkamo undadiangki’ tete dio kada kamanapparan kumua anta dadi butung bunga’ bua dio tu mintu’ pa’padadinNa.

1 PETRUS 1:23

belanna mangkamokomi didadian pole tangia kumua dio mai taruk la sanggang, sangadinna tang la sanggang, tete dio kada marendengNa sia matontonganNa Puang Matua.

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

1 YOHANES 5:4

Belanna iatu mintu’ apa lu dio mai Puang Matua untaloi lino; iamote tu kapataloan tu untaloimo lino, iamotu kapatongananta.

1 YOHANES 4:7

E mintu’ pa’kaboro’ku, sipatu la siala maseki’, belanna iatu pa’kaboro’ lu dio mai Puang Matua, sia minda-minda tu ma’pakaboro’, iamo lu dio mai Puang Matua sia untandai Puang Matua.

TITUS 3:5

Nakarimmannimiki’, tangia kumua tete dio penggauran melo tapogau’ lan kamaloloan, sangadinna situru’ kamamaseanNa tete dio kamendioran kadidadian pole sia kadiba’ruan Nakarang Penaa Masallo’,

FILIPI 2:13

belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.

1 KORINTUS 3:6

Mangkamo’ mantanan na Apolos ma’sakka’i, apa Puang Matua Ia tu umpatuoi.

1 YOHANES 5:1

Minda-minda umpatonganni kumua Yesu tu Kristus, tau iato lu dio mai Puang Matua; sia minda-minda tu ungkamasei Puang Matua, tu mangka undadian pole’i, iamo umpakaboro’ to lu dio mai Kalena.

1 YOHANES 5:18

Taissan kumua minda-minda tu lu dio mai Puang Matua tae’ napogau’ kasalan, sangadinna iatu To lu dio mai Puang Matua ungkaritutui kalena, sia tae’ nadammakki deata bulituk.

YOHANES 3:3

Mebalimi tu Yesu nakua ungkuanni: Tonganna tongan Kukua mati’, iake tae’i nadidadian pole’ tu tau, tae’ nabelai untiro ParentaNa Puang Matua.

MATIUS 3:9

Sia da misangai sia ma’kada lan penaammi kumua: Abraham kita tu ambe’ta; belanna kukua lako kalemi, kumua iatu Puang Matua kuasa umpadadianni anak Abraham te mai batu.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

KADADIAN 25:22

Iatu pia’-pia’ sita’du-ta’du lan pa’tambukanna, iamoto anna ma’kada nakua: Iake susite, ma’apari narampoira’ te iannate? Malemi umpekutananni lako PUANG.

1 PETRUS 2:2

susi pia’-pia’ mane dadi, la susi dukakomi to ungkaduangi bumbungan massang, dikua anna ia mipolobo’ landa’ lako kasalamaran,

KADADIAN 27:33

Lendu’ tonganmi tirambanna tu Ishak, nama’kada nakua: Iake susii to, mindamo ia to moasu, anna sae umbanna’? Belanna mangka nasangmo kukande to, mumane sae sia mangka kupassakke, inang la rongko’ ia.

KADADIAN 25:28

Iatu Esau napakaboro’ Ishak, belanna naporai Ishak ungkandei tu apa naala ke laoi moasu, apa iatu Ribka Yakub ia tu napakaboro’.

KADADIAN 27:4

Ammu posarasanna’ kande mammi’ susitu kuporainna, baanna’ mai angku kandei sia anna ponno penaangku umpassakkeko kumane mate.