YOHANES 1:10 - Sura' Madatu

¹⁰ Lanmo lino sia mangka Napadadi te lino, apa tae’ natandai lino.

YOHANES 1:10 Referans Kwoze

YOHANES 17:25

O Ambe’ malolo, moi anna tae’ natandaiKomi issinna te lino, apa Aku KutandaiKomi, sia naissanmo te tau iate kumua Kamu tu ussuaNa’.

1 YOHANES 3:1

Tiromi, tumbai kapuana tu pa’kaboro’ mangka Napa’kamasean Ambe’ lako kaleta, tapourungi disa’bu’ anakNa Puang Matua; susimoto tu diona kita. Iamo bannangna te, natae’ natandaiki’ te lino, belanna tae’ natandai tu Puang.

1 KORINTUS 2:8

tu moi misa’ pangulunna te lino tae’ untandai. Belanna iake la natandaimi, manassa tae’ naa’ta’i tu Puang, tu oto’na mintu’ kamala’biran.

1 KORINTUS 1:21

Apa belanna diona kakinaanna kalena te lino anna tang untandai tu Puang Matua lan kakinaanNa, iamoto anna iatu pa’poraianNa Puang Matua la ungkarimmanni tu to ma’patongan tete dio tu pa’popetaana pangadaran iato.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

IBRANI 11:3

Bannang dio kapatonganan taissanni, kumua iatu mintu’ angge maritik Napadadi kadanNa Puang Matua, naurunganni iatu apa nata’pai mata, tae’ nadadi dio mai apa mempaan.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

YOHANES 1:5

Parrang lan kamalillinan tu arrang iato, anna tae’ nataloi kamalillinan.

PENGGAURANNA RASULU’ 14:17

moi anNa umpa’pepayanan Kalena umpogau’ kameloan, sia umpasaeangkomi uran dao mai langi’ sia pentaunan sebona bura padang sia Napabossai kande sia kaparannuan tu penaammi.

YOHANES 5:17

Nakuami Yesu mebali lako tinde tau: Iatu Ambe’Ku mengkarang sae lako totemo sia Aku mengkarang dukaNa’.

KADADIAN 16:13

Nagente’mi Hagar tu PUANG, tu mangka ma’kada lako kalena: Kapenomban metiro lumbang, belanna nakua tu Hagar: Tonganna inde dukaraka te kunii untiroi tu Puang, tu untiro lumbangna’?

KADADIAN 18:33

Iatonna upu’mo kadanNa lako Abraham, malemi tu PUANG; sulemi tu Abraham lako inanna.

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

YOHANES 1:3

Mintu’na angge maritik dipadadimo tete dio Kalena, iake tae’i na Ia tae’ duka misa’ dadi tu mintu’na dadinnamo.

YOHANES 1:11

Saemo umpellambi’i apanNa, apa to Napotau ia tu ungkanokaI.

1 KORINTUS 8:6

apa kita, Misa’ri Kapenomban, iamotu Ambe’, namintu’na angge maritik Ia nasang oto’na, na kita te ma’pangudu lu lakoki’, sia misa’ dukari tu Puang, iamotu Yesu Kristus, napodenni mintu’ apa sia tapobannangI den.

KOLOSE 1:16

belanna tete lanri Kalena anna dipadadimo tu mintu’ angge maritik dao langi’ sia lan lino, mempaanna sia tang mempaanna, la esungan kapayungan, la pekapuangan, la to ma’parenta, la to paa; tete dio Kalena sia lu lako Kalena anna dipadadi tu mintu’ angge maritik;