YOHANES 1:1 - Sura' Madatu

¹ Tempon mulanna naden tu Bisara, na iatu Bisara siayoka Puang Matua, sia iatu Bisara Ia bangsia Puang Matua.

YOHANES 1:1 Referans Kwoze

KADADIAN 1:1

Iatonna tipamulanna, Napadadii Puang Matua tu langi’ sola lino.

YOHANES 17:5

Na totemo o Ambe’, pakala’bi’Mo’ dio oloMi susitu kamala’biran inang diomo kaleKu MisiayokanNa’ tonna tae’pa naden te lino.

KADA OMBO’ LAKO RASULU’ YOHANES 19:13

Sia ma’bayu lamba’ Ia, tu didamorro’ rara, sia iatu sanganNa disa’bu’: BisaranNa Puang Matua.

KOLOSE 1:17

sia Iamo Ia tu ma’kadoloanna dio mai mintu’na angge maritik, sia mintu’ angge maritik menggaronto’ lan Kalena;

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

KADA OMBO’ LAKO RASULU’ YOHANES 22:13

Akumote tu Alfa sia Omega. Bunga’-bunga’na sia Undi’-undi’na, Pamulanna sia Ma’katampakanna.

YOHANES 1:2

Inang denmo Ia tonna tipamulanna sola Puang Matua.

KADA OMBO’ LAKO RASULU’ YOHANES 1:8

Akumote tu Alfa sia Omega, kadanNa Puang Kapenomban, tu Den, sia inang Den tempon dio mai, sia la saeMo, Iamotu Umpoissan angge maritik.

FILIPI 2:6

tu moi anNa pada Ia a’ganNa Puang Matua, apa diona tu kapada-tandeanNa Puang Matua tae’ nasangai misa’ apa la nala’ka’I,

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

KADA OMBO’ LAKO RASULU’ YOHANES 21:6

Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.

IBRANI 13:8

Iatu Yesu Kristus tae’ anna membali, la iongi’, la totemo sia sae lakona.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

YOHANES 16:28

Lu dioMo’ mai Ambe’, angKu sae tama te lino; undinna la Kutampeo sule te lino angKu male lako Ambe’.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

YOHANES 20:28

Mebalimi Tomas sia nakua lako: O Puangku sia Kapenombangku.

TITUS 2:13

Anta tayanni tu kapa’rannuanan diporongko’ sia kapayananna kamala’biranNa Kapenomban patodoranta sia To pakarimmananta, Kristus Yesu,

IBRANI 7:3

Tu tang keambe’ sia tang keindo’ sia tang keossoran, sia tae’ pamulanna ba’tu katampakan katuoanna, sangadinna dipasangtinti ia AnakNa Puang Matua, tontongmi ia Tominaa sae lakona.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

EFESUS 3:9

sia umpamanassai lako mintu’ tau tumba tu diona umpalolang rasia tu tempon diomo mai kabunian bang lan Puang Matua, To umpadadi mintu’ angge maritik,

KADA OMBO’ LAKO RASULU’ YOHANES 1:2

Tu ungkatottongi kadanNa Puang Matua sia tu apa napamanassanNi Yesu Kristus, iamotu mintu’ apa natiro.

1 YOHANES 5:7

Belanna den tallu ma’pamanassa (lan suruga, Iamo Ambe’, sia Bisara sia Penaa Masallo’, apa iato tallu misa’ri a’ganNa;

ROMA 9:5

tu umponene’i tu mai to dolo, dio duka mai to Israel nanii bu’tu Kristus diona a’gan kale tolinoNa, Kapenomban sipatu dipudi sae lakona! Amin.

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

PA’PUDIAN 45:6

Iatu mai tinaranmi mata’tak! – ba’tu pira-pira bangsa mipatunduk – iatu tinaranmi lendu’ tama banua mintu’ ualinna datu.

KADA OMBO’ LAKO RASULU’ YOHANES 2:8

Surasanni malaeka’ kombongan Smirna susite: Iamote tu kadanNa Puang tu pamulanna sia ma’katampakanna, tu mangka mate, anna tuo sule:

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

KADA OMBO’ LAKO RASULU’ YOHANES 1:11

nakua: Apa-apa tu mutiro, sura’i lan misa’ sura’, ammu pakatui lako pitu kombongan, iamotu lako Efesus, sia Smirna, sia Pergamus, sia Tiatira, sia Sardis, sia Filadelfia na Laodikia.

LUKAS 24:53

Tontong bangmi lan Banua Kabusungan umpudi-pudi Puang Matua.

YOHANES 8:58

Nakuami Yesu uangkuanni: Tonganna tongan Kukua mati’: Tae’pa naden tu Abraham, angKu inang Denmo.

KOLOSE 1:15

sia Iamo rapang-rapangNa Puang Matua tang mempayan, sia Iamo Anak pa’bunga’ tu mintu’na pa’padadi,