YOËL 2:8 - Sura' Madatu

⁸ Tae’ nasisi’pin-si’pin tu tau iato mai, sangadinna pada tarru’ umpeloloi lalanna, sia moi den pa’buno lan lu tangnga tarru’ bang tu tau iato mai; tae’ napopa’elo’nai lo’bang tu tibangna.

YOËL 2:8 Referans Kwoze

AYUB 33:18

la urrampanan deatanna diong mai panglamunan, sia iatu sunga’na da naka’tu kandean doke.

2 OSSORANNA DATU 32:5

Sia napangu’kui umpemeloi tu mintu’ rinding tembo’ ro’pok, anna pabendanni tu menara dao sia benteng tembo’ senga’ dio salian. Sia napematoto’i duka tu Milo lan kotana Daud, anna popegaragai doke sia balulang buda.

PA’TENDENG BALLO 4:13

Iatu mintu’ tarukmu susito pa’lak kamanamanan, nasitutu’i garonto’ dalima, tu maelo buanna sia bunga enna sia oto’ narawastu,

AYUB 36:12

Apa, iake tang ma’perangii, namangsanni kandean doke sia ka’tu sunga’na lan katangpaissananna.

NEHEMIA 4:23

Iatu aku sola mintu’ siulu’ku sia taungku sia mintu’ to ma’kampa tu unturu’na’, tae’ len kialai pakeangki. Pantan kitoe bang lima kananki tu dokeki.

NEHEMIA 4:17

tu umbangun rinding tembo’. Iatu to mamulle ungkarang pengkaranganna susite: sangbali limanna mengkarang na iatu sangbalinna sitoe doke.

2 OSSORANNA DATU 23:10

Napasirundunammi tu mintu’ to buda pantan untangke dokena, randuk dio mai rampe kananna sae lako rampe kairinna banua, sikandappi’ inan pemalaran sia banua, untikui datu.

YESAYA 5:27

Iatu tau iato mai tae’i misa’ tu la kopa sia la titodo, tae’i misa’ la tikkaru’du’ ba’tu leppeng ba’tu ungko’ka’i salipi’na ba’tu la ka’tu tu ulang sepatunna.

YOËL 2:7

Susito pa’barani tu tau iato mai ma’dondo-dondo, susito parari ungkendekki rinding tembo’, anna male tarru’, pantan unturu’ lalanna, tae’ nasidoloan len.

YOËL 2:9

Nalaoi tu kota, anna ma’dondo-dondo dao rinding tembo’, tau iato mai unteka’ banua, anna tama pentiroan susi to boko.

SARAMBU PEADA’ 30:27

iatu batik tae’ datunna, apa ma’balole’ melo, ke tassu’i male;