YOËL 1:7 - Sura' Madatu

⁷ Iatu garonto’ anggoro’Ku napopendadi apa megiangan sia kayu araKu nasa’pek-sa’pek, napekuli’i tu mintu’ pa’pakna sia natibe; iatu mai tangkena sibusammo.

YOËL 1:7 Referans Kwoze

AMOS 4:9

Kuparampoimokomi kamalangkoan sia pasian tu mintu’ pa’lakmi sia pa’lak anggoro’mi Kupamalayu iatu kayu arami sia kayu saitunmi nakande batik pa’kande. Moi susito, tae’ duka mimengkatoba’ lako Kaleku, kadanNa PUANG.

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

YOËL 1:12

Marangkemo tu garonto’ anggoro’ sia malayumo tu garonto’ ara; iatu garonto’ dalima sia ia duka tu garonto’ koroma sia garonto’ appel, mintu’ kayu dio padang malayu nasangmo. Tonganna masiri’mo tu kaparannuan, anna mallai dio mai ma’rupa tau.

HABAKUK 3:17

Moi anna tae’ namenta’bi tu garonto’ ara, anna tang membua tu garonto’ anggoro’, sia moi tae’ nama’pakarannu-rannu tu bua garonto’ saitun; moi anna tae’ napakendek burana tu mai pa’lak, sia diula’i tu domba lan mai bala sia tae’ tu sapi lan lu bontong,

HOSEA 2:12

Susimoto la Kunii unnukungi diona tu mintu’ allo, nanii untunu pemala’ lako mintu’ Baal sia umbeloi kalena ma’sissin, sia ma’manik-ata sia undi urrundu’ to nasigau’-salan, apa iatu Aku nakalupaiNa’, kadanNa PUANG.

YEREMIA 8:13

La Kurampun tu bua kapatongananna tu tau iato mai, kadanNa PUANG: dio lu garonto’ anggoro’ tang membua sia dio lu garonto’ ara tang membua, ondongpi iatu daunna malayumo; sia tang napalan penaanna tu apa Kukamaseanni.

YESAYA 24:7

Mintu’ uai anggoro’ maru’gunmo, sia mintu’ garonto’ anggoro’ mala- yumo, mintu’ tu to parannu-rannu sumar- romo.

PA’PUDIAN 105:33

Napasiapananni tu mintu’ garonto’ anggoro’na sia kayu arana, sia Narebong-rebong tu mintu’ kayu lan mintu’ lili’na.

KATASSURAN 10:15

Batik iato ussitutu’imo mintu’ padang, naurungan pi’tuk tu tondok; na iatu mintu’ tananan dio lu padang sia mintu’ bua kayu tu nara’dakna siapa uran batu, tappu’ nasang nakande batik; na iatu malunanna dio lu kayu sia dio lu mintu’ tananan lan nalili’ tondok Mesir tae’ bangmo narantang.

KATASSURAN 10:14

Kendekmi tu batik dio lu tondok Mesir, nasitutu’i tu mintu’ lili’na, lendu’ budanna; tu dolona tae’ bangpa batik buda susito, sia undinna tae’ duka la susito.

YESAYA 32:12

La ussa’pa-sa’pakomi ara’mi, belan- na mintu’ pa’lak malunak sia belanna mintu’ garonto’ anggoro’ tarri’ bu- anna;

MALEAKHI 3:11

Iake susito la Kutampakki ropu tu batik londong, ammi pomeloi, kumua da na sanggangi tu bura padangmi sia kumua iatu garonto’ anggoro’ dio pa’lakmi tae’ nala tang menta’bi’ lako kalemi, kadanNa PUANGna mintu’ ma’dandan maritik.