YOËL 1:2 - Sura' Madatu

² Perangiimi, e mintu’ pekaamberan, sia tananni talinga, e mintu’ pa’tondokan! Kela den lenni nadadi tu apa susite tonna attummi, ba’tu iatonna linona nene’ to dolomi.

YOËL 1:2 Referans Kwoze

YOËL 2:2

Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YEREMIA 30:7

A’a, lendu’ ia metakuranna tu allo iato, tu tae’ len susinna; iamo misa’ attu kapussakan lako Yakub; apa moi susito, la dirampanan duka.

AYUB 8:8

Belanna la mupekutanan lako to dolona sia palan penaai tu pa’tangngaranna nene’ siosso’na.

MATIUS 24:21

Belanna attu iato la bu’tu tu ma’iringanna kadipakario-rioan; iatu susinna to tae’ bangpa nadadi len tempon dio mai pamulanna lino sae lako te totemo, sia tae’ dukamo nala dadi len.

MATIUS 13:9

Minda-minda tu ketalinga, nama’perangi.

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

MIKHA 3:1

Ma’kadana’ kukua: Perangiimi, e kamu pangulunna Yakub sia to ullopian to Israel, tang sipaturokomika untandai tu salunna?

MIKHA 1:2

Perangiimi, e mintu’ bangsa, tanannimi talinga, e lino sola mintu’ issinna, kumua Puangta PUANG la titanan sa’bi la umpasalakomi, iamotu Puang lan mai banua maindanNa.

AMOS 5:1

Tananni talinga te kada la Kusaurangkomi, iamo misa’ bating, e bati’ to Israel:

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

YOËL 1:14

Pamaindanni tu misa’ allo pa’puasan, pasirampunni tu misa’ kasirampunan kamenomban; e kamu pekaamberan, rampunni tu mintu’ tau lan tondok lako banuanNa PUANG, Kapenombammi sia metamba-tambakomi lako PUANG.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

YEREMIA 5:21

Perangiimi te, e bangsa baga sia tae’ tangnga’na, tu kemata, apa tae’ napatiro, tu ketalinga, apa tae’ naparangi.

YESAYA 34:1

E mintu’ bangsa, mengkareke’mokomi ma’perangi, e mintu’ to sangpetayanan tanannimi talinga; melo ke ma’perangii tu lino sola mintu’ issinna sia kuli’na padang sola mintu’ tu tuona diong mai.

YESAYA 7:17

Apa iatu kamu sia bangsami sia to lan banuanna ambe’mi la Naparampoi PUANG ba’tu pira-pira attu, tu tae’ bangpa anna den susinna temponna sisarak to Efraim tu to Yehuda, – lu dio mai datu Asyur.

PA’PUDIAN 49:1

Lu lakona pangala sengo. Pa’pudianna to Korah.

AYUB 21:7

Ma’apari natuopa tu to tang mekaaluk, anna matua induk, anna sakerangngan-rangnganna tu kamatotoranna?

AYUB 15:10

Den duka dio kaleki tu to ubanan sia to matua induk, tu mandu matua anna ambe’mu.

AYUB 12:12

Denraka kakinaan dio to kaubanan, sia padaraka kamalamberan sunga’ tu kapaissanan?

KADA OMBO’ LAKO RASULU’ YOHANES 2:7

Minda-minda ketalinga, la naperangii tu apa Napokada Penaa lako mintu’ kombongan. Na lako to patalo, la Kupakande bua katuoan tu lan FirdausNa Puang Matua.