YOËL 1:10 - Sura' Madatu

¹⁰ Sanggangmo tu pa’lak; makarorrongmo tu padang, belanna mangsan nasangmo tu gandung, ma’timo tu uai anggoro’ ba’ru sia meremo tu minna’.

YOËL 1:10 Referans Kwoze

HOSEA 4:3

Iamoto anna makarorrong tu tondok sia mintu’ apa lan silayuan sia sipa’du’dunan, la mintu’ olo’-olo’ dio lu padang, la manuk-manuk dao lu langi’; ondongpi ia duka tu bale lan lu tasik siaangan mate.

HOSEA 9:2

Iatu panglulluran sia pa’parran anggoro’ tae’mo nala umpabu’tuanni tu apa dikande sia diiru’ sia la napakenamo uai anggoro’ ba’ru.

YEREMIA 12:11

sia napopempadang lo’bang; makarorrong sia sanggang Kutiro lako, sia sanggang nasangmo tu mintu’ padang; na moi misa’ tau tae’mo umpalan penaai.

YOËL 1:5

Pana’dingkomi, e to pa’malangoan ammi tumangi’, sia sumarrokomi, e pangiru’ uai anggoro’ diona uai anggoro’ ba’ru, belanna disintakkimo dio mai pudukmi.

HAGAI 1:11

Sia Kutambai tu pealloan karing urrampoi padang sia buntu, gandung, uai anggoro’ ba’ru, minna’ sia mintu’ burana padang, tolino sia olo’-olo’ sia mintu’ panggaraga lima.

YOËL 1:12

Marangkemo tu garonto’ anggoro’ sia malayumo tu garonto’ ara; iatu garonto’ dalima sia ia duka tu garonto’ koroma sia garonto’ appel, mintu’ kayu dio padang malayu nasangmo. Tonganna masiri’mo tu kaparannuan, anna mallai dio mai ma’rupa tau.

YEREMIA 48:33

Na iatu kasendean sia la’tek pa’demo lan mai to’ pa’lak sia dio mai padang Moab, sia Kupatadang tu uai anggoro’ lan mai panglulluranna; Iatu to manglullu’ bua anggoro’ tae’mo unnarrak-arrak, iatu arrak tangiamo arrak.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YESAYA 24:11

Urruk mannamo dio lu lalan, belanna tae’ uai anggoro’; mintu’ kasendean pa’demo; mintu’ la’tek silelean lan lino pu’du’mo.

SURA’ KATOMINAAN 26:20

Anna iatu kamabukuammi mipake sala, belanna iatu padangmi tang la membura sia iatu kayu lan pa’lak tang la membua.

KADADIAN 4:12

Iake muposara’i tu padang, manassa tae’mo na la umpakendekangko burana, la salamba-salaoko lan lu lino!

YESAYA 15:6

Mempadang lo’bangmo tu randananna salu Nimrim, belanna mampu’ nasangmo tu riunna, sia malayu tu mai tananan, tae’ bangmo mamata.

YESAYA 24:7

Mintu’ uai anggoro’ maru’gunmo, sia mintu’ garonto’ anggoro’ mala- yumo, mintu’ tu to parannu-rannu sumar- romo.

YOËL 2:19

Mebalimi tu PUANG lako taunNa Nakua: Manassa la Kupasaeangkomi gandung, uai anggoro’ ba’ru sia minna’, ammi podia’i, sia tae’ lenmo Kula ussa’biangankomi natatta mintu’ bangsa.

HABAKUK 3:17

Moi anna tae’ namenta’bi tu garonto’ ara, anna tang membua tu garonto’ anggoro’, sia moi tae’ nama’pakarannu-rannu tu bua garonto’ saitun; moi anna tae’ napakendek burana tu mai pa’lak, sia diula’i tu domba lan mai bala sia tae’ tu sapi lan lu bontong,

MALEAKHI 2:3

Tonganna, la Kupa’peissanan tu tampak ropu lako bati’mi, sia tai la Kutampolakanni tu lindomi, iamotu tai pa’gaurammi, ondongpi la nariu’ sembangkomi tau inde to lako.