YEHEZKIEL 8:4 - Sura' Madatu

⁴ Manassa inde to dio tu kamala’biranNa Kapenombanna to Israel, susitu apa dipaombo’ tu mangka kutiro diong lombok.

YEHEZKIEL 8:4 Referans Kwoze

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

YEHEZKIEL 9:3

Kendekmi tu kamala’biranNa kapenombanna Israel dao mai to’ karubion, tu nanii reso’ dao, anna male lako to’ ampang Banua Kabusungan, anNa tambai tu to ma’bayu lamba’ lenang, tu usselle’ suke passurasan dio aakna.

KATASSURAN 25:22

Indemoto tu la Kunii ussitammuangko sia ussipa’kadangko dao mai tutu’ pebase kasalan lan mai alla’na da’dua karubion, tu dao patti kasa’bian, diona tu mintu’ apa Kubenko la muparampo lako to Israel.

YEREMIA 38:17

Nakuami Yeremia lako Zedekia: Inde sia tu kadanNa PUANG, Kapenombanna mintu’ ma’dandan maritik, iamotu Kapenombanna to Israel, kumua: Iake penaammu kalena male ussorong kalemu lako arungna datu Babel, manassa la tontongko mana’pa sia tae’ nala disumpun api te kota iate, sangadinna la tuo mana’pako sola sangdadiammu.