YEHEZKIEL 8:3 - Sura' Madatu

³ Napendondongammi tu misa’ apa tu susi lima rupanna, anNa dammakki sangdi’pu’ tu beluakku. Attu iato Naangka’na’ Penaa langngan lan kasiallaranna lino na langi’, anNa baana’ lako Yerusalem lan patiro mendeata, tu Napaombo’ Puang Matua, lako lalan tama babangan rampe lanna lu, tu mentingo rekke, tu nanii te’dek rapang-rapang dipodeata, iamotu pareanan kamangimburuan, tu umpabu’tu kamangimburuan.

YEHEZKIEL 8:3 Referans Kwoze

PA’TOLE 32:16

Tau iato mai umpatiakka’ kanokanNa Puang ditimba oloNa tete dio kapenomban senga’ sia umpamapa’di’ penaanNa Puang diona apa megallian;

YEHEZKIEL 11:1

Naangka’mo’ Penaa anNa solanna’ lako babangan matallo dio banuanNa PUANG, tu mentingo lako rampe matallo: kutiromi dio to’ lalan tama Banua iato tu tau duangpulo llima; dio lu tau iato mai kutiro tu Yaazanya, anakna Azur sia Pelaca, anakna Benaya, arungna bangsa iato.

YEHEZKIEL 5:11

Iamoto, la lelukraka tuoKu, kadanNa Puangta PUANG, tongan-tonganna, tu belanna mangkamo muruttakki tu inan maindanKu napobua’ mintu’ apa megi’girammu sia mintu’ penggauran megalliammu iamoto la Kusa’bianganmoko, moi misa’ apa tae’ bangmo Kukasayangi sia tae’mo Kula matirinna.

DANIEL 5:5

Ta’kala payanmi tu mai taruno lima tau, tu mangoki’ dio to’ rinding dikapu’i lan tongkonan layukna datu sitingoan to’ inan lampu, anna tiroi datu tu boko’ lima iato marassan mangoki’.

YEHEZKIEL 40:2

Lan patiro mendeata, tu Napaombo’ Puang Matua, Nasolammo’ lako tondok Israel, anNa patorrona’ dao buntu tarru’ malangka’, tu nanii bendan misa’ apa susi kota, rampe lo’na lu.

YEHEZKIEL 11:24

Naangka’mo’ Penaa, anNa solanna’ lako tondok to Kasdim, lako to dipali’, lan patiro mendeata tete dio PenaanNa Puang Matua. Iatu patiro mendeata, mangka Kutiro, kendekmo natampena’.

YEHEZKIEL 2:9

Attu iato kutiromi, manassa den misa’ lima untadoina’, sia manassa den sura’ tilulun dio lima iato.

PA’TOLE 32:21

Tau iato mai umpatiakka’ kanokangKu ditimba oloKu tete dio apa tangia kapenomban, sia umpamapa’di’ penaangKu diona apa tang kebattuan. Iamoto la Kupatiakka’ tu pangimburuanna tau iato mai diona to tangia bangsa, sia la umpamapa’di’ penaanna diona misa’ bangsa baga.

PA’TOLE 6:15

belanna iatu PUANG, Kapenombammu, Iamo Kapenomban manoka ditimba oloNa dio lu kamu, kumua na iatu kare’dekan ara’Na PUANG, Kapenombammu, da nadukku ullaoiko sia da Nasabu’iko dao mai kuli’na padang.

PA’TOLE 5:9

Da’ mutukku umpenombai sia da’ mupengkaolai, belanna Akumo, PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna sia lako osso’ ma’pentallunna sia ma’penna’pa’na tu mintu’nato ungkabiri’Na’,

PA’TOLE 4:24

Belanna iatu PUANG, Kapenombammu, susito misa’ api ma’pamampu’ sia Kapenomban noka ditimba oloNa.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

PENGGAURANNA RASULU’ 8:39

Iatonna kendekmo diong mai to’ uai, Napapa’de poto’mi PenaanNa Puang tu Filipus, natae’mo nakitai tinde pa’bisara, tarru’mi sule parannu penaanna.

DANIEL 10:18

Nakaka’mo’ tu to susi tolino rupanna, sia napamatoto’na’ sia ma’kada nakua:

DANIEL 10:10

Denmi tu lima ungkaka’na’ sia umpopengguntu’na’ sia umpopa’dangkanna’ millik, angku ma’parondo-rondo.

YEHEZKIEL 8:5

Ma’kadami lako kaleku Nakua: E ma’rupa tau, mentiro lu rekkeko! Mentiro lu rekkemo’, angku tiroi daanna lu babangan sikandappi’ inan pemalaran dio lalan tama babangan nanii bendan tu rapang-rapang dipodeate iamotu pareanan kamangimburuan.

YEHEZKIEL 7:20

Iatu kamala’biran maballo napake unggaragai apa napomatampo penaanna; apa iamoto tu nagaragai rapang-rapang dipodeata megallianna, iamotu apa megigiranna; iamotu apa iato la Kupopendadi apa megi’giran lako tau iato mai,

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

YEHEZKIEL 3:12

Naangka’mo’ Penaa langngan, angku rangi dio boko’ku misa’ oni mongngo’ tongan – nadipudimora tu kamala’biranNa PUANG lan inan isunganNa –,

YEREMIA 32:34

Sangadinna napalan banua, dinii ussa’bu’ sangangKu tu kamagallianna la urruttakki.

YEREMIA 7:30

Belanna iatu bati’na Yehuda umpogau’ kadake dio pentiroKu, kadanNa PUANG; iatu apa megallian napalanmo banua, tu mangka dinii unggente’ sangangKu, anna ruttakki.

PA’PUDIAN 78:58

Tau iato mai umpare’dek ara’Na Puang diona kamenombanna dao lu inan madao, sia umpabu’tu pangimburuanNa diona mintu’ rapang-rapangna napodeata.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 16:14

Iatu inan pemalaran tambaga, tu bendan dio oloNa PUANG, nasua umpalelei dio mai tingayo banuanNa PUANG, dio mai inan kasiallaranna inan pemalaran (ba’ru) na banua iato, anna padioi rampe rekkena inan pemalaran (ba’ru).

2 DATU 2:16

Ma’kadami tu tau iato mai lako nakua: Tonganna den dio taummi tu muane malinta’ limangpulo; da’ito namale undaka’ puangmi, Naangka’ manii PenaanNa PUANG, anna popengkalaoi dao misa’ tanete ba’tu Naparokkoi misa’ lombok. Apa nakua Elisa: Da misua tau.

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

YOSUA 24:19

Apa ma’kada tu Yosua lako bangsa iato nakua: Tang miatta umpengkaolai PUANG, belanna Iamo Kapenomban sumpu masero. Iamo Kapenomban noka ditimba oloNa. Tae’ nala umpagarri’i tu kapatodo-tintingammi sia kasalammi.

KATASSURAN 34:14

Belanna tae’ muma’din tukku menomba lako deata senga’ belanna iatu sanganNa PUANG iamo Puang noka ditimba oloNa, sia Iamo Kapenomban noka ditimba oloNa.

KATASSURAN 20:4

Da’ mugaraga rapang-rapang dipodeata dipa’, sia rapang-rapang apa dao lu langi’ ba’tu apa dao kuli’na padang nasambo langi’, ba’tu apa diong to’ uai diongna lu lino.

YEHEZKIEL 1:1

Iatonna taun ma’pentallungpulo, bulan ma’penna’pa’, allo ma’pellima bulan iato, tongku torro sola mintu’ to dipali’, dio randan salu Kebar, ta’kala anna tibungka’mo tu langi’, angku tiroi tu ba’tu pira-pira patiro mendeata, tu Napaombo’ Puang Matua.

YEHEZKIEL 10:3

Bendanmi tu karubion dio to’ sa’de kanan Banua Kabusungan, tonna male tu tau iato; naden misa’ gaun ussitutu’i tu tarampak lanna lu.

YEHEZKIEL 37:1

Ta’kala Naremme’na’ PUANG, anna tiakka’ tu penaangku, Nasolanna’ PUANG lako salian, anNa patorrona’ diong misa’ lombok, ponno buku to mate.

YEHEZKIEL 43:5

Naangka’mo’ Penaa, anNa Baana’ tama tarampak lanna lu, tonganna iatu kamala’biranNa PUANG umponnoi tu banua.

YEHEZKIEL 43:8

Belanna iatu ampangna napadio sa’de ampangKu sia iatu lentong ba’bana dio sa’de lentong ba’baKu, naurunganni rinding tembo’ mannamo Kusialla’i tau iato mai, iamoto naruttakki tu sanga madatungKu napobua’ apa megallianna, tu napogau’. Iamoto Kupisanni tete dio kasengkeangKu.

YEHEZKIEL 9:2

Tiromi, saemo tu annan muane lu dio mai babangan daona lu, tu ma’palurekkena, pada sitangke pa’buno pasaburanna, naden dio lu tu misa’ muane ma’bayu lamba’ lenang, usselle’ suke passurasan dio aakna; mengkareke’mi tu tau iato mai, anna male bendan lako sa’de inan pemalaran tambaga.