YEHEZKIEL 8:2 - Sura' Madatu

² Mentiromo’, anna ta’pai matangku tu misa’ rupa susi api; randuk dio mai ma’rupa aakna tu ma’palurokkona den api; randuk dio mai aakna tu ma’palulangnganna ditiro susi arrang masero, pandillak susi batu bulaan sirau salaka.

YEHEZKIEL 8:2 Referans Kwoze

YEHEZKIEL 1:4

Kutiromi, tonganna den misa’ talimpuru’ lu daa mai ulunna salu, iamo tu sangkombong gaun makamban, nanii api mellepa’-lepa’ lan sia natikui misa’ arrang; inde to lan, iamo tu lan tangnga api den tu apa ditiro susi batu bulaan sirau salaka pandila-dila.

YEHEZKIEL 8:1

Iatonna taun ma’pennannan, bulan ma’pennannan, allo ma’pellimanna bulan iato, tongku unno’ko’ dio banuangku na mintu’ pekaamberan Yehuda unno’ko’ dio tingayoku, narampoimo’ inde to dio tu limanNa Puangta PUANG.

YEHEZKIEL 40:3

Iatonna mangkamo ussolanna’ inde to lako, kutiromi inde to dio tu misa’ muane, susi tambaga rupanna, naden ulang lenang sia tekken pesuka’ lan limanna; bendan lan babangan.

DANIEL 10:6

Iatu batang kalena susi parimata pirusa’; iatu lindona pandila-dila susi kila’, iatu matanna susi sulo marorrongan, sia iatu takia’na sia lentekna parrang susi tambaga dipopandilak, na iatu gamaranna susito ongngo’ tau buda.