YEHEZKIEL 7:2 - Sura' Madatu

² E iko ma’rupa tau, inde sia tu kadanNa Puangta PUANG diona tu tondok Israel, kumua: Saemo tu katampakanna! katampakanna diona tu a’pa’ tetukna tondok iato!

YEHEZKIEL 7:2 Referans Kwoze

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

YEHEZKIEL 7:3

Totemo narampoimoko tu katampakanna, belanna la Kuparampoiko kasengkeangKu sia la Kuukungko sitinaya gau’mu sia la Kupapakkanni lako kalemu tu mintu’ penggauran megalliammu.

YEHEZKIEL 11:13

Iatongku marassan ma’nubua’ matemi tu Pelaca, anakna Benaya. Lumbangmo’ rokko padang, angku melallak kukua: A’a Puangta PUANG, morairoKomika la ussabu’i tu to Israel torronapa?

BATING 4:18

Attu iato nabasamiki’ matanna tau iato mai, ke mentengkaoki’, naurungan tae’mo tama’din umpolalan rante malona’ta; upu’mo allota sia sumpumo sumandakta, manassa, upu’mo allota!

MATIUS 24:6

La mirangi tu diona kasirarian sia kareba kasirarian, apa da mitiramban, belanna tae’ nasalai tang dadi tu mintu’nato, apa tae’pa nala katappuranna to.

YEHEZKIEL 40:2

Lan patiro mendeata, tu Napaombo’ Puang Matua, Nasolammo’ lako tondok Israel, anNa patorrona’ dao buntu tarru’ malangka’, tu nanii bendan misa’ apa susi kota, rampe lo’na lu.

YEHEZKIEL 21:2

E ma’rupa tau, mentingoko lako Yerusalem, palolongko kadammu ullaoi mintu’ inan maindan sia ma’nubua’ko ullaoi tondok to Israel,

YEHEZKIEL 12:22

E ma’rupa tau, pa’parunde apara tu mipoparunde lan tondok Israel, kumua: Lendu’mo tu allo, apa tae’ nalalo tu patiro mendeata.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

YEREMIA 51:13

E iko tu unno’ko’ dio to’ uai luang sia ma’ianan buda, nalambi’mo lampakmu sia nadete’mo sumpu suka’mu.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

2 OSSORANNA DATU 34:7

narondonni nasang tu inan pemalaran sia iatu lentong dipodeata sia nanisak-nisak tu rapang-rapang dipodeata dipa’, sia iatu mintu’ inan pemalaran pantunuan dupa tu lan lu mintu’ tondok Israel, nasanggang-sanggang nasang. Mangkato sulemi tu datu lako Yerusalem.

PA’TOLE 32:20

Ma’kadami Nakua: MoraiNa’ umbunianni lindoKu tu tau iato sia la Kutiro apa urrampoi ma’katampakanna, belanna to tama bilanganna to leko’ tu tau iato mai, sia pia tang unnissan maruru’.

KADADIAN 6:13

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.

KADA OMBO’ LAKO RASULU’ YOHANES 20:8

nasun la umpapusa mintu’ bangsa lan a’pa’ sulapa’na lino, tu Gog sia Magog, kumua anna rampunni tu tau iato mai la parari, na iatu budanna susi karangan diong biring tasik.

YESAYA 47:7

Mukua: La ma’parentana’ tontong sae lakona, apa tae’ ammu palanni penaammu te iannate sia tae’ mukapangi kumua la susi ma’katampakanna to.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YEHEZKIEL 7:1

Rampomi tu kadanNa PUANG lako kaleku Nakua:

YEHEZKIEL 21:4

Belanna Kusabu’i dio lu kalemu tu to malambu’ sia to tang mekaaluk, iamoto la tinonok tu pa’dangKu ullaoi mintu’ angge menaa lo’ mai pollo’na uai sae rekke ulunna salu.

YEHEZKIEL 21:25

Na iko, e arung to Israel, to bulituk sia to tang mekaaluk, nalambi’mo tu allomu, iamotu attu kadiukungan ma’katampakanna.

YEHEZKIEL 35:5

Belanna mupatontong bang tu kasiualian sia musorong tu to Israel lako pa’dang ma’kande pu’pu’, tonna lambi’mi attu kasangganganna, tonna ma’katampakannamo diukung tu kakadakeanna,

YOËL 1:15

A’a tu allo iato! Belanna mandappi’mo tu alloNa PUANG; saemo tu allo iato susi kasanggangan lu dio mai To umpoissan angge maritik.

YEHEZKIEL 21:7

Ianna ma’kada tu tau lako kalemu nakua: Apara tu miposarro?, la mukua mebali: Iamotu diona kareba, tu la saemo, tu napobannang bonnong tu mintu’ penaa, sia kope tu mintu’ lima, sia ri’ta’ tu mintu’ ba’teng sia tang nasalamo ma’pu’ tu mintu’ guntu’. Manassa la rampomo sia dadi, kadanNa Puangta PUANG.