YEHEZKIEL 5:2 - Sura' Madatu

² Sangtaa tallunna la muballa api lan tangnga kota, ke purami tu allo kadipatama-limbuanna, iatu taa tallunna la muala, ammu patorroi mumane unta’tak-ta’takki pa’dang tiku lao; na iatu sangtaa tallunna la muambo’ napettiaranni angin, belanna la Kunonok tu pa’dang dio boko’na tau iato mai.

YEHEZKIEL 5:2 Referans Kwoze

YEHEZKIEL 5:12

Sangtaa tallummi la mate nabaa ra’ba biang sia la narabunni karorian dio lu tangngami; na sangtaa tallummi la songka nakande pa’dang; na sangtaa tallummi pole’o la Kuambo’ lako mintu’ matanna angin sia la Kunonok tu pa’dang dio boko’na tau iato mai.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

YEHEZKIEL 12:14

Mintu’ baananna, iamotu to untundui sia mintu’ surodadu la Kupatitale’ lako mintu’ mata angin, sia la Kunonok tu pa’dang dio boko’na.

YEREMIA 15:2

Sia iake mekutanai tu tau iato mai lako kalemu kumua: Umba la kiola? la mukua lako: Inde sia tu kadanna PUANG, Nakua: Minda tu dipamanassa la mate, la mate, minda tu dipamanassa nakande pa’dang, la nakande pa’dang, minda tu dipamanassa la karorian, la karorian sia minda tu dipamanassa la dipali’, iamo la dipali’.

YEREMIA 9:16

Sia la Kupasisarak-sarak tu tau iato mai dio lu mintu’ bangsa, tu tae’ natandai sia tae’ natandai nene’ to dolona sia la Kupaula’i pa’dang, sapuranna Kusabu’i.

YEREMIA 38:2

Nakua kadanNa PUANG: Minda-minda tu torro lan kota iate la mate, nakande pa’dang, ba’tu karorian, ba’tu ra’ba biang, apa minda-minda tu tassu’ male lako to Kasdim, la tuo sia iatu pangrampana iamo deatanna sia la tontong tuo.

YEREMIA 24:10

Sia Kuparampo dio lu tau iato mai tu kandean pa’dang sia karorian sia ropu, naurungan tappu disabu’i dio mai padang, tu Kukamaseanni sia Kukamasean nene’ to dolona.

YEREMIA 13:24

Manassa la Kupatisambo’ tu tau iato mai susi ta’pian, tu napettiaran angin dio mai padang pangallaran.

YEREMIA 39:1

Iatonna taun ma’pengkasera kadatuanna Zedekia, datu Yehuda, bulan ma’pessangpulo, saemi tu Nebukadnezar, datu Babel sola mintu’ surodadunna lako Yerusalem, anna patama limbui.

YEREMIA 39:2

Iatonna taun ma’pessangpulo misa kadatuanna Zedekia, bulan ma’penna’pa’ sia allo ma’pengkaseranna bulan iato, ditossomi tu tambakuku kota.

YEHEZKIEL 5:3

Sia la muala sidi’ tu beluak iato, ammu pessimporrosanni lan biring bayu lamba’mu.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

YEHEZKIEL 17:21

Iatu mintu’ to mallai dio mai mintu’ tuntunan surodadunna, la tibambang nakande pa’dang, na iatu torronapa la dipatisambo’ lako mintu’ mata angin. Ammi tandai, kumua Akumo tu PUANG, tu mangka umpokadai to.

ZAKHARIA 13:8

Lan lu mintu’ tondok, kadanNa PUANG, duang taanna tu la disabu’i sia la ka’tu sunga’na, apa iatu sangtaanna la torro lan tondok.

YEREMIA 9:15

Iamoto nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupakande apsantin sia la Kupairu’ rasun tu tau iato mai.

AMOS 9:4

Sia iake malei dipali’ tu tau iato mai dio tingayona mintu’ ualinna, manassa la Kusua tu pa’dang inde to dio mai umpatei. Sia Kupatontongi matangKu tu tau iato mai la napokadakena, tangia la napomelona.