YEHEZKIEL 4:4 - Sura' Madatu

⁴ Iatu iko bambangangko kalemu dio la’pek kairimmu, mupatorroi dao tu kakadakeanna to Israel: pada tu allona munii umbambangan kalemu, pada dukato munii umpatoppo’i dao la’pekmu tu kakadakeanna tau iato mai.

YEHEZKIEL 4:4 Referans Kwoze

SURA’ KATOMINAAN 16:22

La susimoto tu bembe’ laki urrengnge’i tu mintu’ kakadakeanna tau iato mai lako padang tang malunak sia la narampanan tau iato tu bembe’ laki dio padang pangallaran.

YEHEZKIEL 4:8

Manassa Kupatikuiko ulang, da ammu membaliang lako la’pek sangbaliammu sae lako ganna’na tu allo munii ma’patama limbu.

KADIBILANGAN 18:1

Ma’kadami tu PUANG lako Harun, Nakua: Iatu iko sia anakmu sia rapummu la pada mipassan tu kakadakean untodo inan maindan: sia iatu iko sia anakmu la mipassan tu kakadakean, tu mipogau’ lan katominaan.

SURA’ KATOMINAAN 10:17

Ma’apai natae’ mikandei tu suru’ pengkalossoran dio to’ inan maindan? Belanna iamoto tu tarru’ maindan, sia Nabenkomi PUANG la ullendokanni tu kakadakeanna kasitammuan iato sia la mipadenan kadiseroian ksalan dio oloNa PUANG.

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

MATIUS 8:17

kumua anna sundun tu kadanna nabi Yesaya, tu nakua: Iamo unnalai tu kamakuyuanta sia ussondokanni tu mintu’ sakinta.

YEHEZKIEL 4:5

Sia iatu taun kakadakeanna tau iato mai Kupatanggungiko pada bilanganna tu allo iato, talluratu’ ngkasera pulona allona. Susimoto tu kakadakeanna to Israel mupatoppo’ dao la’pekmu.

KADIBILANGAN 14:34

Situru’ tu bilanganna allo minii umparessa bunii tu tondok, iamotu patangpulo allona, sangtaun ke sangallooi, ammi sisurung tu kakadakeammi lan patangpulo taunna, kumua, ammi issanni battuananna tu kamembokorangKu.