YEHEZKIEL 3:10 - Sura' Madatu

¹⁰ Ma’kadami lako kaleku Nakua: E ma’rupa tau, iatu mintu’ kada tu la Kupokadangko, la mupariba’tang tongan sia la mupalanda’ tongan tama pa’perangimmu.

YEHEZKIEL 3:10 Referans Kwoze

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

AYUB 22:22

Tarimami tu pangadaran sun dipudukNa, sia palanmi penaammu tu kadanNa.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

LUKAS 8:15

Na iatu lu rokkona padang lunak, iamotu tau, ianna rangimi tu kada, napalanmi penaa matoto’na sia penaa malolona sia napatontong namembua melo.

YEHEZKIEL 2:8

Na iko, e ma’rupa tau, perangii tu apa Kupokadangko; da mupabali-bali susite to pabali-bali; popengangai tu sadangmu, ammu kandei tu apa Kubenko.

SARAMBU PEADA’ 19:20

Perangii tu pa’patudu sia tarimai tu pa’pakilala, ammu dadi kinaa undinna.

SARAMBU PEADA’ 8:10

Tarimai tu pangadarangku, da naiatu salaka, sia iatu kapaissanan da naiatu bulaan tasak.

YEHEZKIEL 2:7

Apa la mupokada nasang lako tu kadangKu, ke la morai untananni talinga, ba’tu tae’i, belanna tau iato mai to pabali-bali.

YEHEZKIEL 3:9

Susito intan mandu makarra’ na batu, la Kupadadi susi dukato tu batu kidemu; da mukataku’i tu tau iato mai sia da mukagiangi tu olona, belanna tau iato mai to pabali-bali.

YEHEZKIEL 3:11

Malemoko umpellambi’i tu to dipali’, iamotu sangbangsamu, ammu ma’kada lako ungkuanni kumua: Inde sia tu kadanNa Puangta PUANG –: ba’tu morai tu tau iato mai untananni talinga, ba’tu tae’i.

PA’PUDIAN 85:9

La kuperangii tu apa Napokada Puang Matua, PUANG. Belanna la umpokada kamarampasan lako taunNa sia lako mintu’ to sallo’Na; podo da natibalik tu tau iato mai sule lako kabaganna.