YEHEZKIEL 26:7 - Sura' Madatu

⁷ Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

YEHEZKIEL 26:7 Referans Kwoze

DANIEL 2:37

Kamumo, o datu, datunna mintu’ datu, tu Nakamaseimo Puang Matua dao suruga kadatuan sia kuasa sia kamatotoran sia kamala’biran,

EZRA 7:12

Iate sura’ iate lu dio mai Artahsasta, datunna mintu’ datu lako tominaa Ezra, to matarru’ lan mintu’ Sukaran alukNa Puang Matua dao suruga, sia senga’-senga’na.

YEHEZKIEL 23:24

Tau iato mai ma’kareta sia ma’lentenan la ullaoiko sangsiturusan buda bangsa, la ma’pakolong sia ma’balulang sia ma’songko’ basi sae ullaoiko tiku lao. La Kueloran tu tau iato mai ma’paolai salu, anna paolaiko salu situru’ atoranna.

HOSEA 8:10

Moi anna tarima pamengan dio lu mintu’ bangsa, manassa la Kurampun tu tau iato mai; sidi’ri la naappa’ kenarannuanni tu kada pangra’ta’na datunna mintu’ arung.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

YEREMIA 52:32

Ma’kada malamma’mi tu datu lako kalena sia napamadao tu kao’koranna na iatu kao’koranna mintu’ datu, tu nasolan dio Babel.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YESAYA 10:8

Belanna nakua tu kadanna: Tang sibaaraka datu tu mintu’ arungku?

YEHEZKIEL 28:7

iamoto manassa la Kuparampoiko to sae, iamotu masa’ga’na mintu’ bangsa, tau iato mai la unnonok pa’dangna la unnea kamatarrusan mala’bi’mu sia la urruttakki arrangmu.

YEHEZKIEL 26:3

Iamoto inde sia tu kadanNa Puangta PUANG Nakua: Manassa Aku la ullaoiko, e Tirus! Buda bangsa Kurussun ullaoiko, susitu tasik umpatikalulun bombangna.

YEHEZKIEL 17:14

Iake susito la tae’mo kamatotoranna tu kadatuan sia tae’mo nakullei unnadongan ulunna, sangadinna nakaritutui tu basse, anna tontong bendan.

YEREMIA 25:22

sia mintu’ datunna Tirus, mintu’ datunna Sidon na mintu’ datunna lebukan lamban lianna tasik;

YEREMIA 6:23

Tau iato mai untangke pana sia doke; masuang sia tang untandai kamamasean; iatu ongngo’na mariak susi tasik sia ma’darang tu tau iato mai; sia sakka’mo susito la parari, la ullaoiko, e anak dara Sion.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

YEREMIA 4:7

Iatu singa bendanmo lan mai to’ pangala’-ala’na, iatu to pasanggangna mintu’ bangsa ke’de’mo, tassu’mo lan mai inanna, la umpopempadang lo’bangi tu padangmu; mintu’ tondokmu la disabu’i, naurunganni tae’mo misa’ tau torro lan.