YEHEZKIEL 26:3 - Sura' Madatu

³ Iamoto inde sia tu kadanNa Puangta PUANG Nakua: Manassa Aku la ullaoiko, e Tirus! Buda bangsa Kurussun ullaoiko, susitu tasik umpatikalulun bombangna.

YEHEZKIEL 26:3 Referans Kwoze

YEREMIA 51:42

Iatu Babel nakabu’mo tasik, sia nasamboimo bombang tikalulun- lulunna.

YESAYA 5:30

La narua angnga’ tu tau iato mai susito mongngo’na tasik; allo iato pittuk liu tu padang, iake mentiroi tu tau tiku lao kuli’na padang, kapittukan megiangan manna nata’pai matanna sia iatu arrang langi’ napapittuk saliu’.

MIKHA 4:11

Moi totemo budamo tu bangsa sirampun unneako, tu ma’kada nakua: Da’ito namatuna, sia naporai matanta mentiro lako Sion!

LUKAS 21:25

Sia la den tanda kalle-kallean bu’tu dao allo sia bulan sia bintoen sia lan lino kasumpuan mintu’ tau sia putta penaanna, ke mongo’mi tu tasik sia bombang;

ZAKHARIA 14:2

Attu iato la Kurampun tu mintu’ bangsa urrarii Yerusalem; iatu mai kota la ditalo, iatu mai banua la dipangrampai sia iatu mai baine la diparuku digau’ sala. Sesena tu pa’tondokan la male dipali’, apa iatu torronapa tu to buda tae’ nala disabu’i lan mai kota iato.

NAHUM 2:12

Umbara nanii tu singa, tu undammak pealanna la naben anakna sia untakessekki tu apa nadammak la naben birangna, sia umponnoi pangrampa tu lo’ko’na sia iatu inanna naponnoi apa nase’bu-se’bu?

YEHEZKIEL 38:3

mukua: Inde sia tu kadanNa Puangta PUANG, Nakua: Manassa la Kulaoiko e Gog, arung tarompo’na Mesekh na Tubal!

YEHEZKIEL 28:22

sia ma’kadako kumua: Inde sia tu kadanNa Puangta PUANG, Nakua: Manassa aku la ullaoiko, Sidon! La dipakala’bi’Na’ lan tangngamu, anna tandai, kumua Akumo tu PUANG ke Kuparampoi ukungan tu kota iato sia Kupamanassa lako kalena, kumua Akumo tu To masero.

YEHEZKIEL 27:26

Napalanmoko pebosemu tama tasik kalua’ – nabuangko angin rampe matallo lan atena tasik.

YEHEZKIEL 21:3

sia ma’kadako lako tondok Israel, kumua: Inde sia tu kadanNa PUANG: Manassa la Kulaoiko! La Kunonok tu pa’dangKu sia la Kusabu’i tu to malambu’ sia to tang mekaaluk dio lu kalemu.

YEHEZKIEL 5:8

iamoto inde sia tu kadanNa Puangta PUANG, Nakua: Manassa, Aku la umparampoiko ukungan, manassa Aku! Aku la ma’paolai salu lan lu tangngamu dio pentirona mintu’ bangsa.

YEREMIA 50:42

Tau iato mai untangke pana sia doke; masuang sia tang untandai kamamasean. Iatu ongngo’na mariak susi tasik sia pakkanarang; sia sakka’mo parari la ullaoiko, e anak dara Babel.

YEREMIA 50:31

Tonganna, la Kuukungko, e Kamatampoan, kadanNa PUANG, PUANGna mintu’ ma’dandan maritik, belanna saemo tu allomu, sia attu Kunii unnukungko.

YEREMIA 21:13

Manassa Aku la unnukungko e pa’tondokan diong lombok, e buntu batu diong padang lappa’, kadanNa PUANG, e kamu tu ma’kada kumua: Mindara tu la solo’ umpellambi’ikan, mindara tu la tama to’ pembuniangki?

YEREMIA 6:23

Tau iato mai untangke pana sia doke; masuang sia tang untandai kamamasean; iatu ongngo’na mariak susi tasik sia ma’darang tu tau iato mai; sia sakka’mo susito la parari, la ullaoiko, e anak dara Sion.

PA’PUDIAN 107:25

Ma’kadami umpasae angin bara’, tu umpakapua mintu’ bombangna.

YEHEZKIEL 26:19

Belanna inde sia tu kadanNa Puangta PUANG, Nakua: Iake Kupopendadiko misa’ kota sanggang, susitu mai kota tae’mo nanii tau ma’tondok; iake Kupatu’ba’iko uai tasik kalua’ anna samboiko uai saba’,

YEHEZKIEL 29:10

manassa iamoto mentingoNa’ lako kalemu la unnukungko sia iatu messarakna salu Nilmu sia la Kupopendaunlauan nasang tu tondok Mesir sia padang talo randuk dio mai Migdol sae lako Siene, tarru’ lako katonanna tondok Etiopia.

NAHUM 3:5

Manassa la Kulaoiko! kadanNa PUANGna mintu’ ma’dandan maritik, la Kupoli’ tu tampak dodomu sae langngan lindomu sia la Kupasombo tu kama’kambelangammu lako mintu’ bangsa sia kasirisammu lako mintu’ kadatuan.

ZAKHARIA 9:4

Manassa, la Natalo Puang sia la Natuan tu rinding tembo’ bentengna tama tasik, sia iatu kota la pura diballa api.

YEREMIA 25:22

sia mintu’ datunna Tirus, mintu’ datunna Sidon na mintu’ datunna lebukan lamban lianna tasik;