YEHEZKIEL 26:12 - Sura' Madatu

¹² La narampa nasang tu apa-apammu sia nalo’do’i nasang tu mai balukammu sia narondonni tu rinding tembo’mu, nakakei tu mai banua rapa’mu sia batummu, lentongmu sia batu manisakmu la nabuang rokko to’ uai.

YEHEZKIEL 26:12 Referans Kwoze

YESAYA 23:8

Mindara ullampakki lako Tirus te dalle’ iate, tu malutemo ma’papantanni makota, sia iatu mai to ma’balilinna butungi to mai arung, sia iatu to ma’baluk-balukna sangtinti to la’bi’ lan lino?

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

2 OSSORANNA DATU 32:27

Iatu Hizkia sugi’ lallang sia mala’bi’ tongan; nagaragammi kalena tu ba’tu pira-pira bilik pangnannan la dipannii salaka, bulaan, parimata mellong, pebangki’, balulang sia ma’rupa-rupa pareanan keangga’,

ZAKHARIA 7:14

Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.

NAHUM 2:9

Rampai tu salaka, rampai tu bulaan! Tae’ upuranna tu mintu’ ianan makamban, iamotu kala’bianna ma’rupa-rupa ianan maballo.

HOSEA 13:15

Moi anna maloboran dio lu to massiulu’, la sae duka tu angin dio mai rampe matallo, iamo tu anginNa PUANG, tu kendek dio mai padang pangallaran, naurunganni iatu kalimbuangna ma’ti sia iatu mata uainna be’ko’ tongan; narampa tu mai ianan ballo napalumpunni.

DANIEL 11:8

Ondongpi, sae lako rapang-rapang dipodeatanna sola rapang-rapang dipodeata dipati’no’na sia pareanan keangga’na, iamotu salaka sia bulaan, la nabaa lako Mesir butung pangrampa; sia ba’tu pirang-pirang taun tae’ nala sirari datu rampe Daanna lu.

YEHEZKIEL 28:8

La napembuangangko rokko posi’ tana lambe’, anna mapalla tu kamateammu, belanna mate ditobokko lan atena tasik.

YEHEZKIEL 26:5

La dadi misa’ inan pangalloan bunde lan tangnga tasik, belanna Kupokadamo susito, kadanNa Puangta PUANG. Sia la naala apa dirampa mintu’ bangsa.

YEREMIA 25:34

Unnurrukkomi, e mintu’ to manglaa, melallakkomi sia melenten-lentenkomi dio lu to’ barra’-barra’, e mintu’ pangkambi’ domba ma’baanan; belanna nalambi’mo tu allomi, la ditunu. Sia Akumo la untesse-tessekomi, ammi tobang susi pindan mellong.

YESAYA 32:12

La ussa’pa-sa’pakomi ara’mi, belan- na mintu’ pa’lak malunak sia belanna mintu’ garonto’ anggoro’ tarri’ bu- anna;

YESAYA 23:11

Napopengkorongmo Puang tu limanNa tama tasik. Napasipa’parondoammo tu mintu’ parenta; mesuamo Puang tu diona Kanaan la ussanggangi tu mai bentengna.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

YEREMIA 52:14

Iatu rinding tembo’ Yerusalem tiku lao natuan nasangmo mintu’ surodadu to Kasdim tu nasolan pangulu to ma’kampa.