YEHEZKIEL 2:4 - Sura' Madatu

⁴ moi na iatu anakna tau iato mai ma’lindo batu duka sia battuk tu penaanna. Kusuako lako tau iato mai, ammu pokadanni kumua: Inde sia tu kadanNa Puangta PUANG.

YEHEZKIEL 2:4 Referans Kwoze

YEHEZKIEL 3:7

Apa tae’ namorai umperangiiko to Israel, belanna tae’ namorai umperangiiNa’ belanna mintu’ to Israel makarra’ nasang batu kidena sia ma’penaa battuk.

YEREMIA 6:15

Dipakasiri’ tu tau iato mai, belanna apa megallian tu napogau’, apa tae’ bangmo natandai tu siri’, ondongpi ma’lindo’ batu bangmo. Iamoto la tipessambak tu tau iato mai dio lu mintu’ to tipessambak; iangKu papakkanni tu tau iato mai, la tisumbang, kadanNa PUANG.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YESAYA 48:4

Belanna Kuissan, kumua matoroko sia iatu sokkongmu susi bassi kalebu sia iatu kidemu sangtinti tambaga,

PA’PUDIAN 95:8

Da mipamakarra’i tu penaammi, susi tonna dio Meriba, sia susi tonna allo Masah dio padang pangallaran.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

YEREMIA 8:12

Dipakasiri’ tu tau iato mai, belanna apa megallian tu napogau’, apa tae’ bangmo natandai tu siri’, ondongpi ma’lindo batu bangmo. Iamoto la tipessambak tu tau iato mai dio lu mintu’ to tipessambak; iake dipapakkanni tu tau iato mai, la tisumbang kadanNa PUANG.

YEREMIA 3:3

Iamoto natae’ Napasaei tu uran kamban sia uran tampak; apa iatu lindomu makamban susi lindo baine bualang sia tontongko tang masiri’.

SARAMBU PEADA’ 21:29

Iatu to tang mekaaluk ma’lindo batu, apa iatu to bulo lollong umpamanassa tongan lalanna.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

2 OSSORANNA DATU 30:8

Damo mipamakarra’ penaammi, susi nene’ to dolomi, dondonganni tu limammi lako PUANG, ammi male lako inan maindanNa, tu Napamarimbangan sae lakona, sia mengkaolakomi lako PUANG, Kapenombammi, kumua anna soro’ dio mai kalemi tu kare’dekanna ara’Na.

1 DATU 22:14

Apa mebali tu Mikha nakua: La lelukraka tuoNa PUANG, manassa apa tu Napokada PUANG lako kaleku, ia dukamoto tu la kupokada.

PA’TOLE 31:27

Belanna kutandai tu kapabali-baliammu sia kamatoroammu. Inde tuo siapa’ ussisolangkomi, mibali-balimo tu PUANG, ondong pole’pi, ke matemo’!

PA’TOLE 10:16

Iamoto sunna’i tu kuli’ penaammi sia damo mimatoro.

YEREMIA 1:7

Apa Nakua PUANG lako kaleku: Da mukuai: Mangurapa’, belanna minda-minda tu Kunii ussuako, la maleko lako sia mintu’ tu Kupasan lako kalemu, la mupokada.

YEREMIA 36:21

Nasuami datu tu Yehudi male unnalai tu lulunan sura’, anna alai lan mai bilikna Elisama, pangulu to massura’. Nabasammi Yehudi tu datu sia mintu’ arung, tu bendan dio sa’dena patomali.

AMOS 7:15

Apa Naalamo’ PUANG dio mai boko’ domba, sia ma’kada tu PUANG lako kaleku, Nakua: Maleko ammu ma’nubua’ diona ukungan diparampo lako taungKu Israel.

ZAKHARIA 7:12

Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

YEHEZKIEL 3:4

Ma’kadami lako kaleku Nakua: E ma’rupa tau, laoko umpellambi’i to Israel, ammu ma’kada lako tete dio kadangKu.

YEHEZKIEL 3:11

Malemoko umpellambi’i tu to dipali’, iamotu sangbangsamu, ammu ma’kada lako ungkuanni kumua: Inde sia tu kadanNa Puangta PUANG –: ba’tu morai tu tau iato mai untananni talinga, ba’tu tae’i.

YEHEZKIEL 3:27

Apa iangku pa’kadaimoko, la Kubungka’ tu sadangmu, ammu pokadai lako, kumua: Inde sia tu kadanNa Puangta PUANG: Minda-minda morai untananni talinga, nama’perangi, na minda-minda tae’ natananni talinga da’imito. Belanna to pabali-bali tu tau iato mai.