YEHEZKIEL 2:3 - Sura' Madatu

³ Ma’kadami lako kaleku Nakua: E ma’rupa tau, Kusuako lako to Israel, lako tu mai bangsa pabali-bali, tu unneaNa’; iatu tau iato mai sia nene’ to dolona umboko’i dukaMo’ sae lako allo iate;

YEHEZKIEL 2:3 Referans Kwoze

YEREMIA 3:25

La malimungkukan mamma’ nakabu’ siri’ki sia nasamboikan kaditattangki, belanna kasalammokan lako PUANG, Kapenombangki la kami la mintu’ nene’ to doloki, randuk dio mai mangurangki sae lako allo iate sia tae’mo kiperangii tu gamaranNa PUANG, Kapenombangki.

PA’TOLE 9:24

Pabali-balikomi unnea PUANG, temponku untandaikomi.

ROMA 10:15

Sia umba la nakua umpa’peissananni, ke tae’i nadisua? Susi tu disura’ nakua: Tang pada ia melona lentekna tu to umbaa Kareba-kaparannuan diona melona.

PENGGAURANNA RASULU’ 7:51

E kamu to battuk sia tang sopati sia tang to’tok, nenne’ bangkomi unnempai Penaa Masallo’. Tumba tu nene’ to dolomi, ten dukamoto tu kamu.

YEREMIA 44:21

Iatu mintu’ pemala’ mipogau’ lan lu tondok Yehuda sia dio lu batattana Yerusalem, la kamu la nene’ to dolomi sia mintu’ datummi sia iatu mai arungmi na mintu’ pa’tondokan, tang Nakilalairaka PUANG sia tang Napokarianganraka?

YEREMIA 36:2

Alako karattasa’ sanglulun, ammu sura’i lan tu mintu’ kada, tu mangka Kupokada lako kalemu, tu diona to Israel sia diona to Yehuda sia diona mintu’ bangsa, randuk dio mai allo Kunii ma’kada lako kalemu, iamotu randuk dio mai linona Yosia sae lako allo iate.

YEREMIA 7:2

Maleko ammu bendan dio ba’ba banuanNa PUANG, sia pangadaranni dio te kada iate, kumua: Perangiimi tu kadanNa PUANG, e mintu’ to Yehuda tu tama ba’ba iate la menomba lako PUANG.

YEREMIA 1:7

Apa Nakua PUANG lako kaleku: Da mukuai: Mangurapa’, belanna minda-minda tu Kunii ussuako, la maleko lako sia mintu’ tu Kupasan lako kalemu, la mupokada.

PA’PUDIAN 106:28

Mintu’i massola nasang sikadamakmo Baal-Peor, anna kande apa dipemalaran lako apa tang kepenaa.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

EZRA 9:7

Randuk dio mai linona nene’ todoloki sae lako allo iate tonangkan lan sala kapua sia belanna kakadakeangki, angki disorong la kami la mintu’ datungki la mintu’ tominaangki tama kuasanna datunna tondok iato mai, la nakande bassi mataran sia la dipali’ sia la dipangrampai sia la ditoding siri’ susite totemo.

PA’TOLE 9:27

Kilalai tu taumMi, iamotu Abraham, Ishak na Yakub; da Mipalan penaai tu kamakarrasanna te bangsa iate sia katangmekaalukanna sia kasalanna,

KADIBILANGAN 20:10

Narampunmi Musa sola Harun tu kombongan sitingoan buntu batu, nama’kada lako tau iato mai nakua: Perangii, e kamu to pabali-bali, la kipatassuranrokomika uai lan mai buntu batu iate?

YEHEZKIEL 17:12

Pokadanni bati’ pabali-bali kumua: Tae’raka mitandai apa battuananna te? Pokadanni kumua: Manassa saemo datu Babel lako Yerusalem, anna baai male tu datu sia iatu mai arung, anna pali’i lako Babel, napadio kalei.

YEHEZKIEL 24:3

Uleleanni misa’ rapang-rapang lako te bangsa pabali-bali sia ma’kadako lako tau iato mai kumua: Inde sia tu kadanNa Puangta PUANG Nakua: Patonangi tu kurin, patonangi. Patamai uai.

YEHEZKIEL 40:4

Ma’kadami tu muane iato lako kaleku nakua: e ma’rupa tau, pata’pai matammu sia tananni talingammu sia paninaai tu mintu’na la Kupatiroangko; belanna la dipatiroangko tu iannato, iamoto mudibaa sae indete. Pa’peissananni tu mintu’ apa la mutiro lako to Israel.

AMOS 7:15

Apa Naalamo’ PUANG dio mai boko’ domba, sia ma’kada tu PUANG lako kaleku, Nakua: Maleko ammu ma’nubua’ diona ukungan diparampo lako taungKu Israel.

2 DATU 17:14

Apa tae’ naperangii tau iato mai, sangadinna umpamakarra’ penaanna susi nene’ to dolona, tu tae’ nasande’ lako PUANG, Kapenombanna.

2 DATU 17:15

Nasayumo tu apa Napondok sia basseNa tu Natanan Puang sola nene’ to dolona, susi dukato tu mintu’ pa’pakilalaNa tu Naparampo lako tau iato mai; naturu’ bangmo tu apa tang kebattuan, naurunganni dadi tang kebattuan, sia naparundu’i tu alukna mintu’ bangsa untikui, moi anNa mangkamo mepasan tu PUANG lako tau iato mai, kumua da nama’gau’ susito.

YESAYA 30:1

Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.

YEREMIA 44:20

Ma’kadami Yeremia lako mintu’ tau iato mai, iamotu lako mintu’ muane sia baine sia mintu’ tau iato tu umpebalii susito ina’, nakua:

MALEAKHI 3:7

Randuk dio mai linona nene’ to dolomi, miboko’imo tu apa Kupondok sia tae’mo mikaritutui. Sulemokomi lako Kaleku, angKu sule duka lako kalemi, kadanNa PUANGna mintu’ ma’dandan maritik. Apa mikuaora: Bannang apara angki la sule?