YEHEZKIEL 2:2 - Sura' Madatu

² IatonNa pa’kadaimo’, tamami kaleku tu penaa, anna pabendanna’, sia kurangimo tu To umpa’kadaina’.

YEHEZKIEL 2:2 Referans Kwoze

YEHEZKIEL 3:24

Apa iatu penaa mentamamo kaleku, anNa pabendanna’; anNa pa’kadaina’ sia Nakua lako kaleku: Maleko tama, ammu tutu’i ba’ba kalemu lan banuammu.

YEHEZKIEL 3:12

Naangka’mo’ Penaa langngan, angku rangi dio boko’ku misa’ oni mongngo’ tongan – nadipudimora tu kamala’biranNa PUANG lan inan isunganNa –,

KADA OMBO’ LAKO RASULU’ YOHANES 11:11

Undinnato tallung allo ssangpolo natamaimi penaa ma’patuo lu dio mai Puang Matua sola duai, anna malimbangun bendan; saemi kamatakuran kapuana tu mintu’ to untiroi sola duai.

DANIEL 8:18

Iatonna marassan ma’kada lako kaleku, limpumo’ sia lumbang rokko padang; apa naremme’na’ anna pabendanna’ sule,

YEHEZKIEL 36:27

La Kubenkomi PenaangKu la tama ba’tengmi sia Kupadadikomi to unturu’ apa Kupondok sia makaritutu umpogau’ atorangKu.

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

NEHEMIA 9:30

Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

TO PARENGNGE’ 13:25

Randukmi tu PenaanNa PUANG umpatiakka’ penaanna Simson dio Mahane-Dan, kasiallaranna Zora na Estaol.

YEHEZKIEL 11:5

Attu iato Narampoina’ penaanNa Puang, anNa ma’kada lako kaleku Nakua: Ma’kadako, kumua: Inde sia tu kadanNa PUANG: Susito tu mangka mipokada, e to Israel, na iatu apa bu’tu lan penaammi Kutandaimo.

YEHEZKIEL 24:3

Uleleanni misa’ rapang-rapang lako te bangsa pabali-bali sia ma’kadako lako tau iato mai kumua: Inde sia tu kadanNa Puangta PUANG Nakua: Patonangi tu kurin, patonangi. Patamai uai.