YEHEZKIEL 19:1 - Sura' Madatu

¹ Na iatu iko, tannunko bating lako mintu’ datu to Israel,

YEHEZKIEL 19:1 Referans Kwoze

YEHEZKIEL 27:2

E ma’rupa tau, toloranni bating tu Tirus,

YEHEZKIEL 26:17

La nasa’burangko misa’ bating, anna ma’kada lako kalemu nakua: Umba mukua pa’de diong mai tasik, e kota mapulu’ taunna, misa’ kota sia to umpa’tondokki, tu umpatiramban mintu’ pa’tondokan tiku lao.

2 DATU 24:6

Iatu Yoyakim tamamo batu dilobang dipasola nene’ to dolona, anna Yoyakhin, anakna muane, dadi datu ussondai.

YEHEZKIEL 19:14

Sunmi tu api lan mai tangkena, tu ungkande takke’-takke’na sia buanna, tae’mo tangke matoto’na dio, tae’mo tekken la sikambi’ kadatuan! Iamote tu misa’ rintin, tu dipobatingmo.

YEHEZKIEL 2:10

Naballarammo’ tu sura’ iato; tisura’mo patomali dio tingona sia dio boko’na; na iatu disura’ dio, iamotu ba’tu pira-pira bating, sarro sia pekaindo’.

2 DATU 24:12

Malemi tu Yoyakhin, datu Yehuda, umpennoloi datu Babel, la ia, la indo’na, la pangulunna, la arungna, la to mase’ponna. Natingkanmi datu to Babel, tonna taun ma’pengkarua kadatuanna.

2 DATU 23:34

Naangka’mi Firaun Nekho tu Elyakim, anakna Yosia, dadi datu ussonda Yosia, ambe’na, anna sondai tu sanganna, disangamo Yoyakim. Nasolammi tu Yoahas lako Mesir, anna mate dio.

YEHEZKIEL 32:18

E ma’rupa tau, toloranni misa’ bating tu to budanna Mesir; la mupopengkalao tu tau iato mai – iko sola mintu’ pia baine dio lu bangsa tarompo’ – rokko lino to mate, iamotu lako to mangka mengkalao rokko panglamunan.

YEHEZKIEL 32:16

Iamote tu bating: la napobating tau; la napobating pia baine dio lu mintu’ bangsa; la nabatingan Mesir sia mintu’ to budanna, kadanNa Puangta PUANG.

YEHEZKIEL 27:32

Ma’urrukammi nasa’burangko misa’ bating, sia nagenterangko misa’ badong merio-rio, nakua: Mindara tu nasusian Tirus, malabu lan atena tasik?

BATING 5:12

Natoke’ tu mintu’ arung dao kayu, sia tae’ nakasiri’i tu lindona to matua.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YEREMIA 24:8

Apa susitu bua ara kadake, tu lendu’ ia kadakena, naurunganni tang dikande –, kadanNa PUANG, la Kupasusi dukato tu Zedekia, datu Yehuda sola mintu’ arungna sia to torronapa lan Yerusalem, tu torronapa lan tondok iate sia to ma’tondok lan Mesir.

YEREMIA 24:1

Napatiroammo’ PUANG tu da’dua bakku’ bua ara tu diona tingayo banuanNa PUANG, tonna mangka Nebukadnezar, datu Babel, umpali’i tu Yekhonya, anakna Yoyakim, datu Yehuda, sia iatu mai arungna Yehuda sia iatu mai to pande sia mintu’ pande bassi lan mai Yerusalem lako Babel.

YEREMIA 22:30

Nakua kadanNa PUANG: Sura’i te tau iate susito tamanang sia misa’ to tang maupa’ lan mintu’ allo katuoanna, belanna dio mai mintu’ ampo bati’na moi misa’ tae’ la maupa’ sia la unnisung dao isungan kapayunganna Daud sia undatuipa tondok Yehuda.

YEREMIA 22:28

Misa’raka kurin tesse tu nasayu tau te tau iate, iamotu Konya, ba’tu misa’ kandean litak tae’ gai’na? Ma’apai anna dipembassanan, la ia sia mintu’ repokna sia ditibe lako misa’ tondok tu tae’ natandai?

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

2 OSSORANNA DATU 36:6

Ke’de’mi tu Nebukadnezar, datu Babel, umpatundukki sia napungo da’dua rante tambaga la nasolan lako Babel.

2 OSSORANNA DATU 36:3

Apa natassu’imo datu Mesir lan mai pangka’ datu dio Yerusalem, sia nadosa tu tondok iato saratu’ talenta salaka na misa’ talenta bulaan.

2 OSSORANNA DATU 35:25

Natonorammi Yeremia misa’ bating tu Yosia sia mintu’ to menani muane sia baine unggente’ sanganna Yosia lan mintu’ kadong batingna landa’ lako allo iate, belanna tipondok ada’mo lan Israel. Manassa mintu’nato tisura’mo lan Sura’ Sarro.

YEHEZKIEL 19:2

sia ma’kadako kumua: Tae’raka nasusi singa inanna tu indo’mu dio lu mintu’ singa laki! Mamma’ dio lu singa mangura, tu umpelobo’i anakna.

YEHEZKIEL 28:12

E ma’rupa tau, sa’buranni misa’ bating tu datunna Tirus sia ma’kadako lako kumua: Inde sia tu kadanNa Puangta PUANG: Iatu pa’kaleammu sundun garaganna, naponnoiko kapaissanan, sia sundun kamaballoammu.

YEHEZKIEL 32:2

E ma’rupa tau, sa’buranni misa’ bating tu Firaun, datu Mesir, sia ma’kadako lako mukua: E singa mangura dio lu mintu’ bangsa, dipakappamoko! Ikomo sangtinti misa’ naga: lan salummu munii pamburo’tok-ro’tok, iatu uai tisenggong napobua’ lette’mu sia umpamaluttuk uainna.

AMOS 5:1

Tananni talinga te kada la Kusaurangkomi, iamo misa’ bating, e bati’ to Israel: