YEHEZKIEL 13:3 - Sura' Madatu

³ Inde sia tu kadanNa Puangta PUANG Nakua: Upu’ allona tu mai nabi baga, tu unturu’ tanan penaanna kalena, moi natae’ apa natiro. –

YEHEZKIEL 13:3 Referans Kwoze

BATING 2:14

Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

YEHEZKIEL 34:2

E ma’rupa tau, ma’nubua’ko unnea mintu’ to mangkambi’na Israel, ma’nubua’ko sia ma’kadako lako tau iato mai, iamotu to mangkambi’, mukua: Inde sia tu kadanNa Puangta PUANG, Nakua: Upu’ allona tu to mangkambi’na Israel, tu kalena manna nakambi’! Iatu mai to mangkambi’ tang dombaraka ia tu sipatu nakambi’?

YEREMIA 23:1

Upu’ allona tu mintu’ to mangkambi’ tu ussanggang sia umpasisarak-sarak mintu’ domba Kukambi’, kadanNa PUANG.

SARAMBU PEADA’ 15:14

Iatu penaanna to unnampui tangnga’ kinaa, undaka’ kapaissanan, apa iatu puduk tobaga umparri-parri kabagan.

1 TIMOTIUS 6:4

tau iato matampo, natae’ apa naissan, sangadinna bomboan massita’gen sia massitamben kada, tu naninna bu’tu kamagallian, kasigagan, ma’rupa-rupa pa’palele beko sia pa’kapang-kapang kadake,

1 KORINTUS 9:16

Belanna iake umpa’peissananna’ Kareba-kaparannuan, tae’ kusattuanni, apa iatu iannato inang passanangku; ontongpi masolangna’, ke tae’i kupa’peissananni tu Kareba-kaparannuan.

LUKAS 11:52

Upu’ allomi, e pandita Sukaran aluk, belanna mibaa bang tu gonting kamanarangan; kamu kalena kamu tang tama, ammi ampangi lenni tu to la morai tama.

LUKAS 11:40

E, to baga, tae’raka na Ia tu To umpadadi salianna umpadadi dukai tu lanna lu?

ZAKHARIA 11:15

Mangkato ma’kadaMi tu PUANG lako kaleku Nakua: Alanomoko kalemu pareanan to mangkambi’ baga.

YEHEZKIEL 13:18

Inde sia tu kadanNa Puangta PUANG: Upu’ allona tu to umbeke’i pa’beke’ pangissan dio lu mintu’ lengo-lengo sia umpalullungi lullung ulunna to kapua sia to bitti’, la untingkan deatanna tau! La mitingkanraka tu deatanna taungKu, ammi tiroan kalena deatammi!

SARAMBU PEADA’ 15:2

Iatu lila to kinaa, umpaombo’ kapaissanan den gai’na, apa iatu pudukna to baga umbarrakan kabagan.

2 TIMOTIUS 3:9

Apa tau iato tae’mo nalolo’, belanna la payan tu kabaganna lako mata malele susi kabaganna tu tau da’dua.

YEREMIA 23:16

Nakua kadanNa PUANGna mintu’ ma’dandan maritik, kumua: Da miperangii tu kadanna mintu’ nabi tu ma’nubua’ lako kalemi, belanna tau iato mai umpapusakomi diona apa tae’ gai’na, sia umpokada apa pangala penaanna, tu tae’ natassu’ dio pudukNa PUANG.

YEREMIA 28:15

Sia nakua duka nabi Yeremia lako nabi Hananya: Perangii, e Hananya, manassa tae’ nasuako PUANG, sangadinna iko napobannang te bangsa iate urrannuan apa tang tongan.

YEHEZKIEL 13:4

Susi a’ganna sindallung dio lu to’ banua ro’pok, la susi duka a’ganna mintu’ nabimmi, e to Israel. –

YEREMIA 23:9

Diona mintu’ nabi. Pu’du’ tu penaangku lan ba’tengku, sia ma’parondo tu mintu’ kaleku; sia susina’ to malango sia susi misa’ to tarru’ buda anggoro’ nairu’, belanna PUANG sia belanna kada maseroNa.