YEHEZKIEL 12:3 - Sura' Madatu

³ Na iko, e ma’rupa tau, pasakka’i tu mintu’ apa parallu dio pa’paliran, sia la maleko butung to dipali’ ke allona dio pentirona tau iato mai; manassako la ke’de’ dio mai inanmu lako misa’ inan senga’ dio pentirona tau iato mai. Umbai la napalan penaa sia tau iato mai, belanna misa’i bati’ pabali-bali.

YEHEZKIEL 12:3 Referans Kwoze

YEREMIA 36:3

Den sia manii upa’ naperangii bangsa Yehuda tu mintu’ kamandasan tu Kusanga la Kuparampoanni, anna pada mengkatoba’ tu tau iato mai dio mai lalan kakadakeanna, angKu pa’dei kakadakeanna sia kasalanna.

2 TIMOTIUS 2:25

sorong inaa unnada’i tu mintu’ to umbalii, kumua sangapaoi Napa’kamaseanni Puang Matua lako tau iato tu kamengkatobaran, naurunganni ullambi’i tu kapaissanan diona tu kamanapparan,

YEREMIA 26:3

Den sia manii upa’ nama’perangi tu tau iato mai anna pantan mengkatoba’ dio mai kakadakeanna, angKu urunganni menassan la umparampoi kamandasan tu Kutangnga’, belanna kakadakeanna gau’na.

LUKAS 20:13

Mangkato, nakuami tu puangna tinde pa’lak: Apa siapa la kupogau’? La kusua tu anak kaboro’ku, umbai la nakasiri’ sia ke ia.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

LUKAS 13:34

E Yerusalem, Yerusalem, tu umpatei tu mai nabi sia untumbui batu tau disua lako kalemu, ba’tu pempiranMo’ la morai urrampun anakmu susi indo’ manuk urrampun anakna lan to’ pani’na, apa manokakomi.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

YEREMIA 27:2

Inde sia tu kadanNa PUANG lako kaleku, Nakua: Garagangko kalemu ba’tu pira-pira ulang sia ayoka, passanni dao sokkongmu,

PA’PUDIAN 81:13

Iamoto angKu popa’elo’nai lan katoroge’geranna; naurungan unturu’ bang lalan tangnga’na.

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

YEREMIA 10:17

Angka’i tu pa’bungku’mu diong mai padang, e iko tu dipatama limbu.

YEHEZKIEL 3:27

Apa iangku pa’kadaimoko, la Kubungka’ tu sadangmu, ammu pokadai lako, kumua: Inde sia tu kadanNa Puangta PUANG: Minda-minda morai untananni talinga, nama’perangi, na minda-minda tae’ natananni talinga da’imito. Belanna to pabali-bali tu tau iato mai.

YEHEZKIEL 12:7

Kupogau’mi susitu Napa’parentan lako kaleku: iatu apa parallu lako kaleku kubaa lako salian butung to pa’bungku’na misa’ to dipali’ sia iatonna bongi kulo’po’mi limangku tu rinding tembo’; iatonna mapi’tukmo kubaami; kupadaomi palempengku dio pentirona.

YEHEZKIEL 43:11

Na ianna masiri’ tu tau iato mai diona tu mintu’ apa napogau’, pokadanni tu a’ganna Banua Kabusungan iate sia atoranna, mintu’ tu lalanna diola tama sia diola sun, mintu’ garaganna, mintu’ pangalukanna, mintu’ a’ganna sia mintu’ sukaran alukna, ammu sura’i dio pentirona tau iato mai, kumua anna karitutui tu atoran a’ganna sia napogau’i tu pangalukanna.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

YEHEZKIEL 3:26

Sia iatu lilamu la Kupala’ka’ langngan langi’-langi’mu, ammu mamang sia tae’mo mudadi to ma’pakilalanna, belanna tau iato mai to pabali-bali.