YEHEZKIEL 10:2 - Sura' Madatu

² Ma’kadami tu Puang lako tu to ma’bayu lamba’ lenang, Nakua: Maleko tama alla’na tu mai lentenan diong to’ karubion, muraku’i tu ruaya lan mai alla’ karubion, ammu ambo’i tu to lan lu kota. Malemi inde to lako kutiro.

YEHEZKIEL 10:2 Referans Kwoze

KADA OMBO’ LAKO RASULU’ YOHANES 8:5

Naalami malaeka’ iato tu puaro anna patamai api dio mai inan pemalaran, anna pellebaranni tama lino, dadimi ba’tu pira-pira guntu’ sia ba’tu pira-pira gamara sia kila’ sia lino’.

YEHEZKIEL 1:13

Iatu rupanna a’gan iato susito ruaya borrong, sia susito bia’ tiroanna – menono’ dio alla’na a’gan iato, na iatu api lako mangarrang, nanii mellepa’ kila’.

YEHEZKIEL 10:16

Ianna male tu karubion, tigirik nasangmi tu lentenan dio sa’dena; sia ianna umballa’ pani’na tu mai karubion la kendek diong mai lino, tae’ natilendok tu lentenan dio mai sa’dena.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

PA’PUDIAN 140:10

Nake nasamboi ipona sia kada kadakena sule tu mintu’ to umpatama limbuna’.

YEHEZKIEL 9:11

Tonganna, iatu muane ma’pakean bayu lamba’ lenang sia usselle’ suke passurasan dio aakna sulemo umbaa kareba, nakua: Mangkamo kupogau’ susitu Mipa’parentan lako kaleku.

2 DATU 25:9

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

PA’PUDIAN 18:10

Napalempemi tu langi’ anNa mengkalao, na iatu lillinan parrak, diongna lu lentekNa.

DANIEL 7:9

Iatongku marassan umpenunui, dipabendanmi tu ba’tu pira-pira isungan kapayungan. Nanii misa’ ToKaubanan; iatu tamangkaleNa mabusa susito ambun makko sia iatu beluakNa mapute susi bulu domba; api ma’lana-lana tu isungan kapayunganNa sia api dukku tu lentenanna.

KATASSURAN 25:18

La mugaraga tu da’dua karubion bulaan, iamotu bulaan pa’kombong la mugaragai, dao tampakna patomali tu tutu’ pebase kasalan.