YEHEZKIEL 10:1 - Sura' Madatu

¹ Ta’kala kutiromi, tonganna dao batara daona lu ulu karubion, den misa’ apa susi parimata lasuri’, susi rupa isungan kapayungan, tu paan daona lu.

YEHEZKIEL 10:1 Referans Kwoze

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

KADA OMBO’ LAKO RASULU’ YOHANES 1:13

Sia lan tangnga-tangngana tongkonan palita iato den misa’ susi Anak rampan dilino, ma’bayu lamba’, na dadanNa ma’pali’ bulaan.

1 PETRUS 3:22

tu mangkamo kendek langngan suruga, anNa unno’ko’ dio kananNa Puang Matua, na mintu’ malaeka’ sia to paa sia kakuasan mengkanorong lako Kalena.

EFESUS 1:20

tu Napogau’ lan Kristus, tonna pamalimbangunNi dio mai to’ to mate, anNa panno’ko’I dio kananNa dao bamba suruga,

YOHANES 1:18

Iatu Puang Matua moi misa’ duka tau tae’pa untiroi; anNa Anak misa, tu diong bantananNa Ambe’, Ia umpa’pepayananNi.

HABAKUK 2:1

La bendanna’ dao menara pa’kampangku sia la tunannangna’ dao benteng tembo’ tu kunii ummanta-mantai tu apa la Napokada Puang lako kaleku sia apa la kupebalian sarroku.

YEHEZKIEL 11:22

Umballa’mi pani’na tu mai karubion sisola mintu’ lentenan dio sa’dena, na iatu kamala’biranNa Kapenombanna Israel daona lu.

YEHEZKIEL 10:20

Iamote tu a’gan kutiro diongna lu Kapenombanna Israel dio salu Kebar; totemo mane kutandairi, kumua karubion pale’ ia.

YEREMIA 13:8

Saemi tu kadanNa PUANG lako kaleku, Nakua:

YEREMIA 13:6

Iatonna masai allomu lendu’na, saemi kadanNa PUANG lako kaleku, Nakua: Ke’de’ko mumale lako Efrat, ammu alai dio mai tu salipi’ tu Kusuako umbunii dio.

PA’PUDIAN 18:10

Napalempemi tu langi’ anNa mengkalao, na iatu lillinan parrak, diongna lu lentekNa.

YOSUA 6:2

Ma’kadami tu PUANG lako Yosua, Nakua: Manassa la Kusorong tama limammu tu Yerikho sola datunna sia mintu’ pa’barani lalongna.

KADADIAN 32:30

Nasangaimi Pniel Yakub tu inan iato, belanna nakua: Sitiro lindomo’ Puang Matua, sia makarimmanna’.

KADADIAN 32:24

Sangadinna Yakub mannamo torro misa-misa; denmi misa’ muane nasila’karan sae lako tibangka’na masiang.

KADADIAN 18:31

Ma’kadami tu Abraham: Umpengkabatta’i tonganmo’ kaleku ma’kada lako Puang: Umbai den duangpulo to malambu’ lan. Ma’kadami Puang: Belanna bannang dio to duangpulo tau, tae’ angKu la ussanggangi.

KADADIAN 18:22

Sepangmi tu tau sola duai nama’palulako Sodom, apa iatu PUANG torropa sola Abraham.

KADADIAN 18:17

Nakuami tu PUANG: Ma’apari angKu la umbunianri Abraham tu apa la Kupogau’?

KADADIAN 18:2

Anna bangunan matanna, natiroi den muane tallu bendan dio tingayona; iatonna tiromi, ma’dondomi dio mai to’ ba’ba tendana male untammui tu tau iato mai, anna tukku rapa’ rokko padang.

KADADIAN 3:24

Naula’imi tassu’ tu tolino Napannii ba’tu pira-pira karubion mentiro lu lako matallona pa’lak Eden sitetang pa’dang pandillak-dillak dukku-dukku matanna la ungkampai lalan lako to’ kayu katuoan iato.

YEHEZKIEL 9:11

Tonganna, iatu muane ma’pakean bayu lamba’ lenang sia usselle’ suke passurasan dio aakna sulemo umbaa kareba, nakua: Mangkamo kupogau’ susitu Mipa’parentan lako kaleku.

YEHEZKIEL 1:1

Iatonna taun ma’pentallungpulo, bulan ma’penna’pa’, allo ma’pellima bulan iato, tongku torro sola mintu’ to dipali’, dio randan salu Kebar, ta’kala anna tibungka’mo tu langi’, angku tiroi tu ba’tu pira-pira patiro mendeata, tu Napaombo’ Puang Matua.