YEHEZKIEL 1:4 - Sura' Madatu

⁴ Kutiromi, tonganna den misa’ talimpuru’ lu daa mai ulunna salu, iamo tu sangkombong gaun makamban, nanii api mellepa’-lepa’ lan sia natikui misa’ arrang; inde to lan, iamo tu lan tangnga api den tu apa ditiro susi batu bulaan sirau salaka pandila-dila.

YEHEZKIEL 1:4 Referans Kwoze

YEHEZKIEL 1:27

Sia kutiro tu apa pandillak susi batu bulaan sirau salaka, randuk dio mai to’ ma’rupa aakna tu ma’palulanganna susito api diparerungi; na iatu randuk dio mai to’ ma’rupa aakna tu ma’palurokkona kutiro susi apa natikui misa’ arrang.

YEHEZKIEL 8:2

Mentiromo’, anna ta’pai matangku tu misa’ rupa susi api; randuk dio mai ma’rupa aakna tu ma’palurokkona den api; randuk dio mai aakna tu ma’palulangnganna ditiro susi arrang masero, pandillak susi batu bulaan sirau salaka.

YEREMIA 23:19

Tonganna la tassu’ tu angin bara’Na PUANG, iamotu kare’dekan sia talimpuru’ ma’pamumbuk, tu la ta’pa dao ulunna mintu’ to tang mekaaluk.

YEREMIA 25:32

Inde sia tu kadanNa PUANGna mintu’ ma’dandan maritik, Nakua: Tonganna iatu kasanggangan silelean dio lu bangsa, sia iatu talimpuru’ ma’pamumbuk dio mai randan langi’,

YESAYA 21:1

Inde sia tu kada Napa’petanggungan Puang Matua diona padang aak dio randan tasik. Susito talimpuru’ ma’pamumbuk Lo’ mai pollo’na uai, lu dio mai padang aak, dio mai padang mekarrangan bulu.

KADA OMBO’ LAKO RASULU’ YOHANES 1:15

Sia lentekNa susi tambaga pandila-dila butung dukku api lan dapo’; sia gamaranNa mongngo’ susi uai saba’.

IBRANI 12:29

Belanna iatu Kapenombanta api ma’pamampu’.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 6:1

Mallaikomi, e bati’na Benyamin, lan mai Yerusalem. Pannonii tu napiri tanduk lo’ Tekoa sia tutungi tu bia’ naparrang tu dukkunna dao Bet-Kerem! Belanna daa mai ulunna salu mempaan tu misa’ kakadakean sia kasanggangan kapua.

YEREMIA 4:6

Pabendanni tu tanda kumua: lu lakokomi Sion! Da mitorro bendan, sangadinna ma’dondokomi ammi mentirerung! Belanna la umpasaeNa’ kamandasan sia kasanggangan kapua lu daa mai ulunna salu.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

PA’PUDIAN 50:3

Iatu Kapenombanta la sae tae’ nala ma’pakappa, dio oloNa den api la ma’pamampu’, sia naguririkkI angin bara’.

2 OSSORANNA DATU 5:13

Iatonna marassan sola nasang umpannoni tarompe’ sia umpasiala gamaranna tu mintu’ to menani la umpudi sia umpangke’ PUANG, sia umpekapuai gamaranna napasibara’ tarompe’, taa’-taa’ sia oni-onian senga’, sia umpudi PUANG, kumua: Belanna masokan Ia, belanna iatu kamasokananNa tang leluk sae lakona –, pakalan iatu banua iato, iamotu banuanNa PUANG, nakapu’ sangkombong salebu’,

1 DATU 19:11

Ma’kadami nakua: Tassu’ko mai, ammu bendan dao buntu iate dio oloNa PUANG. Attu ia dukate, to ke la lendu’mi tu PUANG, manassa den angin bara’ sia talimpuru’, umpalalla buntu sia untesse buntu batu, undoloan PUANG. Apa tae’ tu PUANG lan talimpuru’ iato. Iatonna rapa’mo tu angin bara’, saemi tu lino’. Apa tae’ tu PUANG lan lino’ iato.

YEHEZKIEL 13:11

ma’kadako lako to massapu’ kapu’ kumua: manassa la songka. La sae tu uran kamban, na iko, tu uran batu la tibollo, sia angin bara’ la ma’pamumbuk.

YEHEZKIEL 13:13

Iamoto, inde sia tu kadanNa Puangta PUANG Nakua: Inang la Kupopa’pamumbuk tu angin bara’ tete dio kare’dekangKu, sia la sae tu uran kamban tete dio kasengkeangKu, sia uran batu tete dio kare’dekangku, anna sabu’i.

YEHEZKIEL 43:3

Iatu patiro mendeata kutiro susi bangsiato mangkanna kutiro, tonNa sae la ussanggangi tu tondok iato, sia susito mai patiro mendeata mangka kutiro dio randan salu Kebar. Lumbangmo’ rokko padang.

ZAKHARIA 6:6

Iatu kareta nariu’ darang bolong male rekke tondok rampe Daanna lu, iatu busa’na male unturu’i, na iatu salekona male sau’ tondok rampe Lo’na lu.

KATASSURAN 9:24

Sia iatu uran batu sirau kila’ silalle-lalle lendu’ metakuranna, tae’ bangpa susinna lan mintu’ tondok Mesir temponna to Mesir dadi misa’ bangsa.

2 DATU 2:11

Iatonna marassan lumingka sipa’ulelean, ta’kala denmi misa’ kareta api sola darang api umpasisarakki sola duai. Susimoto tu kakendekanna Elia langngan suruga naputu’ talimpuru’.

AYUB 38:1

Napebaliimi PUANG tu Ayub lan mai angin bara’ sia ma’kada Nakua: